thai war tursande the saide flour to Wilyeam chesamis hous' send' be the marinaris

The said' day the prouest ande bailyeis assignit monunday that next cumis to Johnne malisone ande Johnne reid to warrande half ane' last of flour sauld' be thame to Wilyeam chesame Ande chargit Williame scrimgeour to warne thame to the said' day to heir thame to be adiugit to warrand' the said flour to the said Williame

The said' day Androw Waus mastir of the saide schip grantit that he gat na fraucht fra Williame chesame bot for half ane' last of flour

The said' daye Comperit Johnne ancheir franchman with guilyeam his forspekar ande offerit him reddy til ansuer to Johnne Arthour in ale thingis that he haid til oppone agains him And' becaus' the said Johnne Arthour comperit nocht he protestit for costis skathis and' expensis ande to be quyt of his clame quhile he be nevlie persewit

malisone reide chesame The said' daye James Colisoune forspekar for Johnne malisone ande John reide allegijt that the saidis Johnne ande Johnne haide deliuerit to Wilyeame chesame half ane last of flour eftir the tenour of thair condicioun' of selling Ande the prouest ande bailyeis assignit friday that next cumis to the saidis Johnne ande Johnne to preif thar saide' allegiance