procurator Rait The said day master alexander lausone forpsekar for Issabel Rait than present protestit for the copy of the kingis lettrez In Jugment be thomas Wod in the name' and behalf of Wilyeame Kimdy constable' of aberdene of the qhilkis lettrez' the prouost and bailyeis decernit the copy to the said Issabel one hir expens'

The said day James Colisone forspekar for Johnne malisone protestit that the deposicioun' of the witnes that had deponit in the actioun' debatable' betuix Wilyeame chessame and the said Johnne quhilkis was continewit be the prouost and bailyeis for waiknes of wardaris to mononday suld' haue siclik strintht force and effect as thai haue this day but ony preiudice and' als that the absence of Johne reid' suld' nocht hurt the strintht of the deposicionis of his witnes'

The said day master alexander Rait lausone forspekar for Issabell Rait protestit quhat costis skaithis dampnis and expensis that scho sustenit throw the want of ane thridpart of ane half nethis fischeing of the Rait quhilk thomas Wod had' intromettit with as scho allegeit suld' cum on' the said thomas to gidder with the principale proffitis of the said thridpart And that the assignacioun' assignit to the said thomas to cal his warand' suld turn' hir to na preiudice

The said day the prouest and bailyeis continewit the oppining of the deposiciounes' of the witnes betuis Wilyeame chesshame and Johnne malisone and Johnne' reid' to mononday that nixt cummys for waiknes of the court becaus thar was na wardaris to ward' apone the samyn'

The said day Comperit patry leslie befor the prouost and bailyeis sittand in Jugment and exponit and schew how he had producit ane lettre andir our Souerane lordis signet and deliuerance of the lordis of counsale directit to thame anent the red of the gawile of ane hous' and ane star pertening to thomas chamer merchand' with the said patrikis hous' quhilk he is new biggand' Quhilk patry requirit the said prouost and bailyeis quhat ansuer thai wald' gif him of the said lettrez' and that thai wal' Indors' thar ansuer apoun' the bak of the samyn Protestand' solempnitlie that quhat hurt or skaitht he sustenit in the tyme considering his said hous was to be put vndir ruf suld' turne him to na preiudice