The said' day Duncane Colisone bailye requirit Williame blakhall of that Ilk forspekar admittit for angus Williamsone tile ansueir for the said' angus for tribulance done to Johnne logane Cremar castin his geir in the dub The quhilk refusit tile ansueir And' Normund' leslie ane' of the officiaris of the said' burgh at the command' of the saide bailye chargit the said' William anis twis' thris' with his wand' of office tile ansueir for the said' tribulance And' elikwis' he chargit the said anguis anis twis' thris' tile ansuer for the said' tribulance twichand' him with the said wand' Quhilkis William and Anguis wald' nocht ansuer ffor the quhilkis the said officiar brek his wand' of office apone' the said' William and' angus

Wilyeamsone logane The said' day Duncane Collisone bailye Continewit the actioun' betuix Angus Williamsone and' Johnne logane quhil monunday next to cum for waiknes of the Court and' furnes' of the day

Inglismen The said' day Comperit Johnne Currour and' Johnne Waul mastiris vndir god of tua Inglis' schippis of scarisburgh witht Certane fischarmen And' patry leslie thair forspekar ande huimly complenyeit how thai happinnit til arv ariwe and' cum within the hawin and' port of the said' burgh be ane northt eist wind' and' lekues' of ane' of thair said' schippis one sounday in the morning the xv day of this Instant moneth of Julij And' ser Johnne ruthirfurd' and androw fif with thair complicece haid takin thaim allegiand' thai suld be presoneris Ande deponit the greit aitht that thai com' within the said' havin to mend' the said' schip and throw ane' north est wind' and' askit leif at the quhitfischearis or thai com' within the said' havin quhilk licent thame safer as thai mycht And' besocht the bailyes to grant thame Certificacioun' thairapone And' thareftir the bailyeis causit the belman to pas' throw the toun' and' warne the merchandis and' nychtburis of the toun' to cum to the tolbutht til haue thair awis' in the said' mateir Quhilkis present ande Circuly inquirit be William scrimgeour ane' of the said officiaris of the said' burgh grantit and' declarit that thai consentit nocht to the takking of the said schippis and' personis Nor haid' nocht art nor part tharof and' thai vndirstude thai var na presoneris and' requirit the bailyeis to gif the said' Inglismen Certificacioun' tharapone' Protestand' that quhat skaith happinnit to cum tharof eftirwart suld' nocht cum one thame na the said' toune bot apone thaim that w Intromettit witht the said' schipis and persovnis

Curia balliuorum burgi de Abirdene Tenta in pretorio eiusdem decimosexto de mensis Julij Anno Dominj quo supra et cetera

The said day ser thomas bynne grantit that he pundit Johnne Andirsonis lande lyand' in the gallowgait anent the gray freris for ane anuel rent of tua merkis aucht til him as chaplane of sanct michaelis altair eftir the tenour of ane' chartir schawin tharapone and' grantit he haid' the pundis tharof