The said' day the bailyeis assignit monunday next to cum to Alexander mathousone to ansuer to the borgh fundin one him be Waltire howisone for the wranguis' withhalding fra him of xxij s' of the mail of ane' barne To the quhilk he suld' haue ansuerit this day vndir hoip of Concord' and' give thai concord' nocht betuix this ande monunday the said' Alexander sal ansueir to the said' borgh one the said' monunday

leslie bynne The saide' daye thomas leslie bailye denyit that he gaif normund' leslie command' to punde for the annuel of tua merkis aucht to ser thomas bynne of the said' Johnis land' bot for to pund' for the relewing' of mage quhit

chesame baxtair The said' day Willaime chesame grantit that he sauld' viij barrel of flour to Donald' baxtair Ande haid resauit compleit contentacioun ande payment of the samyn

leslie Juramentum The saide daye Norrmunde leslie officiar sueir the greit aitht ande offerit him' to preive that thomas leslie ane' of the bailyeis of the said' burgh gaif him command' to pas' with ser thomas bynne and se him punde Johnne Andirsonis land' lyand' in the gallougait for tua merkis of annuel aucht to him

Malisone chesame The saide day Johnne malisone grantit that he and' Johnne reide sellit ane last of flour to Wilyeam chesame and' Johnne fechat fre one burde Ande haid resauit payment thairfor