ruthirfurd' The saide daye Comperit ser Johhne ruthirfurde knycht exponit ande schew how he was informit that thomas Waus ande Duncane Colisone tua of the bailyeis of the saide burgh haid givin certficacioune to the Inglismen vndir thair selis in contrar him Requirande thame to schew him the forme ande tenour of the samyne Quhilkis ansuerit that It vas in thair comone buk ande he desirit til heir the samyn rede Quhilk oppinly rede in the Court the saide ser Johnne allegijt the saide certificacioune false ande ale the poyntis contenit in It Ande askit ane' day to be assignit til him that he mycht preif the saide Certificacioune false ande ale the poyntis contenit in the samyne Ande thai assignit him friday that next cumis til his saide preif witht his awin consent
Cullane litster The saide day It was deliuerit be ane assis' Alexander gray forspekar that the borgh fundin be Waltir Cullane one richart litster is of awaile ande the saide richart sale pay to the saide Waltir xxviij s' within xv dais eftir the tenour of the saide borgh or ellis to preif It pait
chesame baxtair The said' day Wilyeame Chesame grantit to warrande vij barrel of flour saulde and deliuerit be him to Donalde baxtair Ande offerit him tile ansuer to Dauid ruthirfurd' anent half ane' last of flour clamit be the saide Dauid one the saide Donalde
ruthirfurd' baxtar The said' daye the actioun' persewit be Dauid ruthirfurd' aganis Donald' baxtair anent sex barrel of flour Is continewit with consent of baitht the said parteis to friday that next cumis witht power to produce' mair witnes in the said' actioun be the said' Dauid give he thinkis expedient
The said' daye It was deliuerit be ane suorne assis' James Collisone' forspekar that the borgh fundin one' Alexander mathousone be Waltir hovisone for the wranguis withhalding fra him of xxij s' for the maile of ane barne quhilk he hais of the said' Waltir in tak of awaile Alsua findis that the said' Waltir sal finde the saide Alexander ane' sufficient hous' ande recompens' him safer as he is skathit It beand' sufficiently previn