Be It Kende tile ale mene be thire present lettres ws bailyeis Counsale ande communite of Aberdene tile haue maide constitut' ande ordanit ande be thire present lettres makis constitutis ande ordanis oure hartli louit nichtbouris Alexander menyheis oure aldermane Ande Johne' of mar ane of our balyeis oure werray lauchfule ande vndoutit procuratouris actouris ffactouris ande speciale messengeris gevande grantande ande committande to oure saide procuratouris ande to Ilkane of thame Coniunctly ande Seueraly oure fule free lauchfule and plane pouer expres' mandment ande charge for ws and in oure namis To pas tile oure Souerande lordis hienes his lordis of counsale thesauraris componitouris factouris or deputis quhatsumeuire hawande power tharto to compone witht thame or ony of thame for the landis of the barrouny of Stanewode and Mukwelis witht thare pertinence liande within the sereffdome of aberdene' To be gevin to ws ande oure Successouris burges ande Inhabitantyis of the saide burghe' heretably in fewferme' ande fre burgage for ane certane Sovme vsuale money of Scotlande tobe gevin yerly tile hs hienes ande his successouris kingis of Scotlande in fewe ferme alanerly The saide landis in oure name tile ask and ressaue be chartir Sesin and possessione' in dewforme for the Competent few ferme maile as salhappin thame to compoun' ande agre Ande generalie ale vthir and Sindrie thingis to do excers' ande wse in the said mater that we micht do and we war present haldinge and for to haulde ferme and stabile ale and quhatsumeuire thingis oure saide procuratouris Coniunctly and seueraly in the premiss' in oure namys ledis lauchfully to be done In witnessinge of the quhilkis we haue appensit our common' Seile to the lettres at aberdene' the pennult day of the Nouember the yher of gode ane Thousand five hundreth and thre yeris
Inquiscio Agnetis Prat Eodem die compertum fuit per Inquiscionem Curie quod Agnes Prat Est legittima et propinquior heres quondam cristine modane matris sue
chernsid' mar' The saide day It was ordanit and fundin be the Inquest of the court that patry chernside awe to ansuer' to the borghe' fundin one him for the wranguis' haldin fra him of demi Nest of covntouris demi nest of Coffris and iiijo li' of waxe
Prat' mydiltone The saide day the ballieis with ane avis' and ordanance of ane assis' Dauy menyeis forspekar assignit this day xv dais tile Alexander Prat tile ansuer perempturlie to the borghe' fundin one him be Johne of mydiltone procurator to Anny prat his wif for the wranguis' haldin fra him of Certane gudis of ayrschip and ordanit the saide Johne to ger' put the gudis quhilkis he clamys in writ and deliuer the copy to the saide Alexnader tharof
agendum defendendum eadem bona recipiendum promittens de Rato et grato Cum ceteris terminis necessariis et oportunis