Eodem die quidam patricius conuictus per assisam adiudicatur in amerciamento pro iniusta abductione focalium patricij badenagh et tenetur emendare dampnum vt Jura volunt
Curia tenta per ballivos de abirdene in pretorio eiusdem xxiij die Septembris anno et cetera lxxxij ./
Eodem die Robertus blindsele electus fuit in officium prepositure pro anno sequente et ad deseruiendum fideliter in dicto officio Juramentum prestitit corporale
Thomas de fife Alexander de camera filius Jacobus coming et Johannes vaus iunior eodem die electi fuerunt in officium balliuorum et ad deseruiendum in huiusmodi officio pro communi commodo Juramenta prestiterunt corporalia
Item eodem die accedens ad barram dominus Johannes de camera capellanus ac procurator Alexandri Irvin de Drum protestabatur nomine procuratorio quo supra pro vno annuo redditu duarum marcarum eidem domino de Drum annuatim et hereditarie debit' de quadam terra vasta Jacente in li scule hil infra dictum burgum de abirdene inter terram Sancti Johannis Jerosolomitanum ex parte orientali et terram quondam domini Johannis de Kynloch' nunc sancti Ninianj ex parte occidentali Ad quam terram accedens nichil reperit distringibile preter terram et lapides quos presentavit in curia coram ballivis pro primo die huius processus Testibus thoma gardner Johanne rede burgense et moricio besat seriando