The saide day the Court wardit schew for law and It was gevn for dome that Jonhne arthour hed preuit Sufficientlie that george talyour is aving to him auchtene merkis vsuale money of Scotland' and awe to pay to him the said' Some for the quhilkis he was in Amerciament of the court et cetera and that was gevin for dome be the moutht of William fynne dempstar of the said court

The said' day Williame makesone myllar at the Justice myllis grantit him aving to richerde redhede tua bollis of quhet for xx s' resauit fra him quhilkis the balyeis chargit him to pay within terme of law

The said' day the prouest and balyeis chargit and ordanit Dauid murray to remoiwe and flyt his gudis out of the hald landis of Schethocsley pertening to the saide burghe becaus he has' nay tak nor' assedacioun' of the samyn

Curia balliuorum burgi de abirdene tenta in pretorio b eiusdem xvij die maij anno quo supra

The said' day the prouest and bailyeis assignit monunday that next Cumis to Jonhne Smyth to Comper befor thame for the pament of Dauid bannermannis hous' maile and relevin of his pundis Ande ordanit to warne sere thomas bynne and the procuratouris of Jonhne andirsone to comper the said' day for thar entires' tharintile