menyeis arthour The said day Johnne arthour was maid quyt be ane suorne assis' Johnne cullan forspekar for tribulance of Alexander menyis

gregory Angouson' The said day Thomas gregory and thome angousone was conuict' be the said assis' for the reving of thomas Patry lesleis netht for the quhilkis ilkane of thame was In amerciament of the court and aucht till amend as law will and forber In tyme tocum

mortymer The said day Androu mortymer lauchfullie warnit callit and nocht comperit for tribulance of Johnne of mar was in amerciament of the court

talyour arthour The said day Johnne of cullan Wilyeam futhes Duncan Colisone thomas Waus Wilyam Wormet Dauid Steuart James strathachin Adam fif Robert Waus cuhbert Jhonstone Androw meldrum henry reid' Johnne ramsay Dauid straloche and Johnne craik burges of the said burgh' chosin and suorne in ane assis' to decerne and decid the borgh' fundin be Johne arthour one georg talyour for the wranguis withhalding fra him of xiij li' vj s' viij d' of lent moneyand penny worthis the richtis ressonis witnes and preiffis of bath the said partijs herd sene and vnderstandin ordanit and deliuerit that the said georg talyeour sal cum to the said Johnne of Cullannis hous' this day be thre houris eftir noyne or tharby befor him and tua or iij of the said assis' and compt and rekin with the said Johnne arthour he bringand his covnt buk with him And gif thai happin nocht till aggre thai ordand' the said partijs to comper one friday that nixt cummys within the tolbutht of the said burgh' befor the bailyeis And the said' assis' sal deliuer anent the said borgh' quhilk thai haue continewit to the said day

Malison' blinsele The said day Johnne malisone was conuict' be ane suorne aassis' Androw fif forspekar for the of ane lax in the watter pertening till alexander blinsele thomas Waus and alexander menyeis ffor the quhilkis he was in amerciament of the court And aw to restor the said lax and forber in tyme tocum And the said alexander in the name of thome Angousone his man was conuict' be the said assis' for the wranguis' fischeing and takin of ane lax in the wattir pertening to the said Johnne and his marrowis ffor the quhilkis he was in amerciament of the court and' aucht to restor the said lax and' forber in tyme tocum