baxtaris of the said burgh' The said day ale the baxtaris of the said burgh' excep androue gordone and riche redhed was conuikit be ane' suorne assis' thomas leslie forspekar for the brekyn of the pace in bakin of vnsufficient stuf in selling of bred to the land or the tone be seruit and in selling of bred in hiddillis for the quhilkis Ilkane of thaim was in amerciamentis of the court et cetera

baxtaris The said day the baxtaris of the said burgh' warnit callit and comperit was accusit for breking of common' ordinance in breking of the pas' and selling of vnsufficient stuff and for selling of bred nocht equalie to induellaris of the said burgh' quhilkis denyit and was put to the decisioun' of ane assis' et cetera And' the said assis' riplie auisit cutht nocht acquit the said baxtaris for baking of vnsufficient stuff except' Androw gordone and Richerd redhed be the moutht of thomas leslie forspekar

Curia balliuorum burgi de Abirdene tenta In pretorio Eiusdem octauo xviijo die mensis Julij anno quo supra

fleschearis The said day ale the fleschearis of the said burgh' was conuikit be ane' suorne assis' thomas leslie fforspekar that thai furnist nocht nor prouidit the toun with beif as efferis according to thar craft ande for selling of muttone darrar' thane suld be of resoun in skatting of the toune Ande specialie' in selling of muttone or it be considirit be the gude mene of the toune for the quhilkis Ilkane of thame was in amerciamentis of the court et cetera

Statut' of the fleschearis The said day It was statut' and ordanit be the counsaile present for the tym that ale the flesouris sale haue beif and muttone enuche to furnis' and sted the tone and that the beif salbe prisit Ilkane settirday and' nay' sellit quhill it be prisit nor darrar' than it is prisit And' nay muttone be sellit darrar' than xxxij d' the bouk the best and vthir muttone one lauer' price eftir the gudnes of It vndir the pane of xl s' to sanct Nicholas wark and amerciament fo the bailyeis of ilkane of thame that brekis the statut' or ony pont contenit in it and beis conuikit tharof