Rollande litstar The saide day Jonet rollande the relict of William senior litstar one that ane part Ande Alane litstar his Sone one that vthir was bundin and Oblist be the fathtis of thar bodiis to stande and abide at the deliuerance and ordinance of gilbert menyeis prouest malcome Crag chosin be the saide Jonet Johne mar' and thomas Waus chosin be the saide Alane arbitouris and amicabile componitouris anent the airschip of gudis clamit be the saide Alane throu deces' of his said' fadir quhilkis sale deliuer and giffurtht thar decret herapoun' within xv dais hereftir be thar conscience or aithtis Ande gif thai aggre nocht thai sale cheis' ane ourman' be avis' of the saide partiis

Walcar' litstar The saide day the balyeis assignit monunday that next cumis to Thome Walcar' Sone to Williame Wlacar' at Drum tile ansuer to the borghe fundin one him be gilbert litstar for the wranguis' withhaldin fra him of ane pece of blew clatht rav vnwalkit pertening to Williame of Johnestone gevin to him to walk and dicht et cetera

Ellon' merchandis The said day Comperit Syme of Ellone with alexander gray his forspekar and deliuerit ane summondis of our Souerane lordis raisit one patrik Red' Johnne craik and mathou branche for the wrang castin of ane Sak of woll out of ane schip of the said burgh' callit the Anne and renuncit the said summondis and' all persewt of It in tym tocum Ande referrit the said mater to the decisioun' of ane assis' and admittit the assis' tharto in sic strintht as It was befor the lordis of our Souerane lordis counsaill To the quhilkis the saidez patrik Johnne and mathou consentit in all thingis

Curia balliuorum burgj de Abirdene Tenta in pretorio eiusdem decimotercio die mensis marcij Anno quosupra

The said day patry reid' mathou branche' and Johnne craik followit Robert reid' Dauid futhes Alexander Kintor Johnne portar Duncan craik Dauid Arrot Alexander horne Dauid bannerman Williame cheisham Johnne Wilyongsone Duncan portat Williame still and Androu burnat for the releving of thame of part of the said Sek of woll pertening to Symon Ellone quhilkis denyit that thai aucht to releyve thaim of ony part of the said Sek And thareftir with consent of baitht the said partijs the said actioun' was put to the decisioun' of ane assis' of the personis befor writin Quhilkis riplie auisit the richtis allegacionis witnes and preiffis of baitht the said partijs herd sene considirit and vndirstandin / deliuerit all in ane voice concordand' that thai culd' nocht acquit the saidez Robert Reid' Dauid futhes Alexander Kintor and Johnne portar of the castin of the said Sak of woll and that thai aucht to releyve thame of the samyn part part lik And' the saidez Duncan craik Dauid Arrot Alexander horne Dauid bannerman Willeame cheishame Johnne Wilyongsone Duncan portar William still and Androu burnat was quyt of the castin of the saide woll Ande that was gevin for dome