Curia balliuorum burgj de Abirdene Tenta In pretorio eiusdem decimoseptimo die mensis marcij anno quo supra

The said the prouest and baillies assignit this day viij dais to Symone ellon' and alexander his forspekar till oppin the deposiciounis of the witnes producit be thame anent the awaill of the Sak of woll et cetera warnit patry Reid' mathou branch Johnne crail and vthiris thar complicis to heir the said deposicionis oppinnit

The said day It was deliuerit be ane suorne assis' James collison' forspekar that Johnne of meldrum sall deliuer ane half netht to Johnne of mar baillie als gud as quhen scho come out of the wattir And' gif scho be bettir than the said Johnne of meldrum fand the said Johnn' of mar sall recompens' him again quhat scho is bettir than he gat hir And gif scho be war than quhen the said John meldrum Intromettit with hir se sall mak hir als sufficient and gud agane be the sicht of suorne personis

The said day the prouest and bailyes assignit this day xv dais the last day of merche Instant' to patry red to ansuer to the borgh' fundin on him be alexander hay for the wranguis' intrometting witht ane pennvkile of skynnis of his in the schip of this toun' and throue the intrometting of thame that he wantis x vxx skynnis and x skynnis and vj selk skynnis et cetera

The said day the prouost and baillies ordanit the officiaris William Scrimgeour to warne James bervy or his wif to compeir on' monunday that nixt cummys to heir the witnes and preiffis led' be Ellon' scot the wif of henry bawne suorne anent the awaill of ane haik with the quhilkis the said James bervyis wif Intromettit with