Curia balliuorum burgi de Abirdene tenta in pretorio eiusdem decimo die mensis marcij anno quo supra

The money lent to the kirkwerk the yer' of gode jM vc and vij yeris The saide day the aldirman and Alexander gray mastir of the kirkwerk grauntit that thir personis eftir writin hede lent the Somes of money follouing to the pament of thar Stallis and kirk werk of thar malys of the Witsonday terme to cum at the request of the toune for the expedicioun' of thar werk to the plesour of gode That is to say James Colisone xxvj s' and viij d' William futhes xxviij s' / Alexander gray fourtj s' Androw Cullane fourtj s' the aldirman fourtj s' the widew of Jonhne ratre tuentj s' / the Relict of Alexander rede fourtj s' / mastir James Cumin tuentj four' s' / Alexander malysone tuenti s' mathou branche tuentj s' and Robert Crag xxviij s'

The saide day the borghe' fundin one patry chernsid' be Androw litstar in the handis of Jonhne Cuyk officiar' that quahwar' he tuk the saide patrys' haile Inlande in the gallougate fra the bak of the forchamere donvart to the yerde ende with the draucht betuix It and the forchamere and ale vthir asiamentis within the saide yettis with vsche and entre at the samyn Ande that the saide patry aucht to deliuer him the keis of the samyn quhat tyme It ples' him to gang and entir tharto was fundin availe be ane Suorne assis' ser Jonhne ruthirfurd' forspekar for the quhilkis the saide patry was in Amerciament of the Court et cetera and awe to deliuer the keis to the saide Androw et cetera and that was gevin for dome

The saide day the borghe fundin one Androw litstar be patrik chernsid' for the wranguis' Occupacioun of his hale of his lande in the gallougat was fundin of nayn avale be ane Suorne assis' ser Johne ruthirfurde forspekar for the quhilkis the said patry was in Amerciament of the court et cetera and that was gevin for dome

Ellone Reid' crak branche and the merchandis' The said day Symon Ellone with alexander gray his forspekar follouit patry reid' Johnne crak and mathou branche for the wranguis' castin and distructioun' of ane serplaitht of woll contenyng iiijxx s' aucht stanys as he allegis out of ane schip callit the barg of Abirdene in the sey in the monetht of September last bigane eftir the tenour of oure souerane lordis lettres Impetrat' tharapone / quhilkis the said patrik Johnne and mathou denyit / Quhilk actioun' was put to the decisioun' of thir personis that is to say Dauid menyeis of petfodellis Johnne lesly of warderis thomas chamer of quyltis Dauid andersone James collisone thomas Waus Duncan collisone Androu straton' malcome crag alexander abirdour Johnne ramsay Androu meldrum patry lesly yonger thomas chamer Dauid synne Androu stevinson' Alexander burnat Androu litster and James gourlay burges of the said burgh' Quhilkis riplie auisit the greit aitht suorne the Richtis ressonis and allegaciounis witnes preiffis witnes and preiffis of baitht the said partijs herd' seyne considirit and vnderstandin all in ane voice concordand' Deliuerit and fand' that thai culd' nocht acquit the saidez' patry Johnne crak and mathou branche of the castin of the serplaitht of woll in the sey ffor the quhilkis ilkane of tham was inamerciament of the court sic as thai aucht to tyne of law and' till amend' and mak satisfacioun' to the said Symone et cetera And that was gevin for dome