oure souerane lordis lettres Impetrat' tharapone / quhilkis the said patrik Johnne and mathou denyit / Quhilk actioun' was put to the decisioun' of thir personis that is to say Dauid menyeis of petfodellis Johnne lesly of warderis thomas chamer of quyltis Dauid andersone James collisone thomas Waus Duncan collisone Androu straton' malcome crag alexander abirdour Johnne ramsay Androu meldrum patry lesly yonger thomas chamer Dauid synne Androu stevinson' Alexander burnat Androu litster and James gourlay burges of the said burgh' Quhilkis riplie auisit the greit aitht suorne the Richtis ressonis and allegaciounis witnes preiffis witnes and preiffis of baitht the said partijs herd' seyne considirit and vnderstandin all in ane voice concordand' Deliuerit and fand' that thai culd' nocht acquit the saidez' patry Johnne crak and mathou branche of the castin of the serplaitht of woll in the sey ffor the quhilkis ilkane of tham was inamerciament of the court sic as thai aucht to tyne of law and' till amend' and mak satisfacioun' to the said Symone et cetera And that was gevin for dome

Ellone merchandis The said' day the prouest ande balyeis with awis' of the assis' assignit friday that next cumis to Symond' Ellone and Alexander gray his forspekar to preiwe the valour' of the Sacc of Skinnis wole castin in the sey out of the Schip callit the Anne for the quhilkis patry rede Jonhne Craik was conuict as in the Actis maide tharupon' obefor is contenit

still and Androu burnat was quyt of the castin of the saide woll Ande that was gevin for dome

Waus craik The said day comperit ser Johnne Waus chaplane and follouit mariory craik the relict' of vmquhile Johnne the Waus his fadir of certane gudes of airschip and hous' maill pertenyng to him be deceis' of his said fadir quhilk gudis and hous' maill the said mariory referrit to the said ser Johnnez aitht that quhat that he wald' depone and mak faitht of befor his Jug ordinar that scho suld' mak him pament tharof

forstallar' The saide day being personalie present in the court Dauid bannerman accusit for the forstalling of the burghe' in bying of Skinnis Regrating in taping of tar' Salt Irne and vthir smale merchandice put him in wile et cetera for the quhilkis he was in Amerciamentis of the courtis be his avne tounge grantis and tile amende as law wile and forber' in tyme to cum et cetera Ande Dauid bannerman burges of the saide burghe his brothir become Souerte for his vnlavis be hs hande and gudis