The said day the bailyes continewit the actioun' debatable' betuix gilbert manyeis one that ane part and margret craufurd' one that vthir part anent the ayr of vmquhill Alexander red' and' douchtir to the said margret and' hir gudis is continewit to wednisday that nixt cummis

The said day thomas Walcar follouit Agnes Waus the relict of vmquhill thomas saidlar for the wranguis' Intrometing with ane pece claitht quhilkis sche denyit And' thareftir was put to the decisioun' of ane assis' quhilkis riply auisit fand and deliuerit that the said Agnes was quyt of the wranguis' Intrometing of the said claitht be the moutht of Dauid mar forspekar of the said assis' suorne thar to

menyeis Relicta Alexandri Red' The said' day the balyeis continevit the actioun' betuix gilbert menyes and margaret Craufurd' anent the douchtir and ayr' of vmqhuile Alexander Rede of be petfodellis is continevit to friday that next cumis but preiudice tile ony partj

Curia balliuorum burgj de Abirdene tenta In pretorio eiusdem xxiiij die Septembris anno quo supra

probacio etatis effamie leslie The saide day Alexander mar' thomas leslie Jonet ogistone and Androw steuart lauchfullie warnit Callit and Comperit the gret aithe suorn' deponit that effame leslie douchtir tile elizibetht Stevart is threttene yeris ald' borne of hir' saide modir