The said day the bailyeis assignit ane vnlaw to be takin of Johne' berrehill to be gevin to richerd' Waus for iiij s' quhilk thai aucht to the said richerd' and' chargit ale the four officiaris to pund the said Johnne berrehill and' mak pament of four s' to the said richerd'

Curia balliuorum burgi de Abirdene tenta in pretorio eiusdem primo die mensis Octobris anno quo supra

The said day thomas pill was conuict be ane suorne assis' Johnne of cullane forspekar for the tribulance of Johnne malisone and fra the quhilkis he was in ane amerciament of the court et cetera and the said Johnne for tribulance of the said thomas pill bot nocht so gret tribulance as the said thomas did to the said' Johnne for the quhilkis the said Johne was in ane amerciament of the court et cetera and to amend' as lave will et cetera

The said day Alexander ranesone deponit the gret aitht that he licent neuir Watte glenny to pas fra him bot to reman and mak him seruice to the vschey of his term' eftir the form' of the condicioun' maid betuix tham and' thareftir the balyes chargit the said Waltir to pas witht the said alexander and' serue him to the vschey of his terme

Statutum the said day it was statut and ordanit be the prouest bailyes counsaill and communite that gif ony of the said four seriandis happinis to failye in the execucioun' of thar office for this yeir Instant and' beis tuis' conuict' tharof the thrid tyme he salbe secludit of his office