Prouest ande bailyeis of Abirdene I commend' me to yow et cetera with ye that Walter schallar Inglisman berar heirof has contentit ande applesit his party and as for the Kingis actioun' tharthrow that ye molest nor inquiet him nocht tharfor / for It the command' of the quenis grace and tharfor that ye lous' the arrestment of the schip and gudis pertenyng to him and mak thame to be fre to him as for the said' actioun' Ande god' kepe you at Edinburgh' the xxvj day of August et cetera

The said day the prouest and bailyeis lousit the arrestment maid' apone the said' Inglismannis schipe and gudis

Curia balliuorum burgj de Abirdene tenta in pretorio eiusdem vltimo die mensis Augusti Anno quo supra

commissaris for the stapill The said day the haile tone warnit be the handbell gatherit and circualy Inquerit be Williame scrimgeour officiar consentit to send commisaris for the making of the stapill in medilburgh' or the weir et cetera and' chesit Androw elphinstone of selmis Androw cullan prouest Dauid menyeis Johnne lesly of Warderis and Johnne of cullane and' ordand an' commissioun' to be maid to tham vndir thar commone seill tharupon' in dew forme et cetera

Craik et Walcar'