The said day James colisone requirit the balyes that thai wauld' tak Sufficient souerte of the said Waltir till reman' and' vnderly our Soueran' lordis lawis / for the said' Cryme allegeand that he hed forfaltit his conduct' and' till arrest his schip and gudis pertenyng tharto for our Souerane lordis profit And' thareftir patry lesly eldar come souerte be his hand landis and gudis that the said Walter sale Reman to be responsall for his persoun' in the premiss' And' the said Walter oblist him to releif the said' patry of the said caucioun'

protestacio patricij lesly The said day patry lesly forspekar for Walter schammell Inglisman allegit him reddy to saill and' the schip quharin he suld' saill was reddy to saill with part of his gudis vthir scottis men' and Inglismennis gudis requirand the bailyeis that thai wauld' diuis' and tak sufficient emendis of the said Walter for his traspas offering him reddy till vnderly thar ordinance and' command' of the best and worthiast of the toun' furthtwith but delay protestand gif the said schip and gudis was stopit fra the mercat and sustenit skaitht tharthrow that thai mycht haue thair costis skaithtis and' expensis of the causar of the samyne And' the balyes declarit thai hed' na pouer to freitht the said Waltir schip nor gudis becaus the said' actioun' pertenis to our souerane lordis hienes

The said day Duke andersone cordinar and' Jok crukschank was conuict be ane suorne assis' Alexander menyeis forspekar for the tribulance of William colly forspekar skynner for the quhilkis thai wat in ane amerciament of the court et cetera and the saidis Duke and Jok sale pay the leicht for the mending of the said William and that thar mastiris hald samekle' of thair feis as accordis to the leching of the said William And' gif euire thai be findin in sic ane falt in tyme to cum to be expellit the tone And' the said William colly quyt of ale tribulance of the said' Duncan' and Johne'

The said day Dauid grige was conuict' be ane suorne assis' Alexander menyeis forspekar for the tribulance of Johnne buchane for the quhilkis he was in ane amerciament of the court and to amend as law will and forbeir in tyme to cum et cetera And' the said Dauid to pay v s' for the leching of the said Johne and' to pay fourty s' to Sanct nicholes wark / gif euere he happinis to do sic tribulance in tyme to cum and' the said Johnne buchane quyt of ale tribulance of the said Dauid grige

The saide day James Colisone Duncan Colisone gilbert litster and Duncan fyf was oblist thame faithtfullie to Ende the debatis betuix Alexander mathesone and patry ponty