Caucio cristine meldrum The said' day george bysset come Souerte to the balyeis that Cristiane meldrum the relict of Johne balcromy and hir' gudis sale Remane within the hous' quhar' scho is now quhile the fest of michaelmes nixt to cum sua that the ayris of the saide Johne may purches and rais' breuis of Inquest of our' Souerane lordis chapele within the said' tyme for the airschip that thai may clame of him And' at the said' fest of michaelmes' the said' george Is fred' of borrougange'

The said day the bailyes assignit friday that nixt cummis to Johne' ratre to preif that Williame Walkar tuk his hous' fra this yheir

The said day bessy sibbald' deponit be hir aitht that sche was godmodir to Isabell buchane and' Androue branche' godffadyr and' hewf hir one monunday befor festerinevine and' sche dynit that day in Alexander chameris hous' sche trowis sche is xj yeris ald' or ellis gangand in the tuelft yeir and' Androw branch' and' Alexander chamer was baitht haill and feir that tyme Jonet Kintor spous to Alexander tailyour deponit be hir aitht that Isabell buchane douchtir and' ayr till vmquhill William buchane burges of Abirdene is alevin yeiris ald and mair Isabell of cullan the relict' of Alexander chamer deponit be hir aitht sche hwyff Isabell buchane one monunday befor festerinevine in the said Alexanderis chamer hir husbandis tyme sche was ane yeir or he deyt that sche huyf neuire barne sche trowis sche pass' alevin yer' ald' Alexander prat deponis he knavis nocht hir age Cristiane mortimer deponit be hir aitht that Isabell buchan is xij yeris ald'

The said day george doloche' grantit him awand' ane frenche crone of gold' to the wif of thomas Watsone quhilkis the bailyes chargit him to pay withtin tuenty dais

Curia Balliuorum burgj de Abirdene tenta in pretorio eiusdem vicesimo primo die mensis Junij Anno quo supra et cetera