The saide day the belmane passit throu the haile toune and warnit ale and Sindrie personis havande takis or wattiris fischingis and landis of thame at commavnd' of the prouest balyeis and counsale for the outred' of the led' bocht to Sanct nicholes werk and completing of the samyn' to Comper the said' day within the tolbutht to pay thar' malys and girssomes Ande thareftir it was statut and ordanit be the aldirman balyeis and diuers' of the Counsale and' communite present for the tyme that ale personis havand' takis of fischingis wattiris and landis of this burghe' sale pay thar girssomes' and malys aving to Sanct nicholes werk and the towne within viij dais hereftir follouing Ande falyeing tharof It salbe lesum to the prouest balyeis Counsale and Communite to sett and dispone thar takkis of wattiris fischingis and landis tile vthiris that wile pay mailes and girssome ansuering tharto vpon' the quhilkis Androw cullan prouest askit Instrument of me sere Johne Stirueling notar public' witnes Dauid menyeis gilbert menyes Dauid andirsone Alexander mar' Androw fyf Duncan fyf Alexander menyes sere Dauid leis sere Robert patonson' mastir gavane leslie sere Dauid Waus William blakhall of that Ilk and vthir diuers'

The said' day thomas chamer and Dauid Stevart grauntit to pay to gilbert menyeis the Rest of the wyne tane be thame ande thar seruandis y Sene thar' entreys' in the office of Abbat and Prior of Concord' of this burghe this day or to morne

valcar' bisset The said' day patry Walcar' was conuict be ane Suorne assis' Dauid mar' forspekar for the trubulance of Ellene bysset spous' to Robert fraser cordonar for the quhilkis he was in ane Amerciament of the court et cetera Atour the balyeis chargit him to remane within the tolbutht quhile he fand' law borrowis that the said' ellen' suld' be skathtles of him ale ways bot as the court law wile

Colp bynne The said' day the prouest and ballieis assignit friday that next Cumis tile Dauid Colp tile ansuer to the Complaint in strintht of ane borghe' directit on' him for the wranguis' withhaldin fra him of xxvj s' of annuell et cetera

Wormet ayris of Robert cullan Crichton' The said' day Williame Wormet grauntit to deliuer tile Androw Cullan prouest ane Jak ane par' of Corslatis In the nayme of the ayris of vmquhile Robert Cullane quhilkis he hed' in his possessioun' Ande Isabele crichtoune grauntit to deliuer to the said' Androw Cullane ane Siluer spvne quhilkis scho hed' pertening to the saide ayris