The said day Isabell marioun cullane the relict' of vmquhill Alexander houysone grantit that sche set the forbutht quhilkis Dauid brois' duellis in to Agnes strathachin the spous of Androw gordone for this Instant yeir
Margaret buchane sais Isabell buchane is tuelf yeris ald' sche is witht barne and' micht nocht sueir bot sche tuk it one hir saule / Cristiane lilburne deponit be hir aitht that Isabell buchan' is alevin yeir auld' at festerinevin that last was Johnne cullan depnit be his aitht he trastis the writ producit vndir the aldirmanis seill is trewe / Johnne moir deponit be his aitht that he was bundin witht Androwe cullane in ane obligacioun' to Williame buchane for his mariage gudis ane yeir befor yone obligacioun' bundin be the prior of monymusk / Dauid brois' kennys nay thing of hir age Johnne cuk kennis nay thing of hir age Margret Kintor kennys nay thing of hir age / Elizibetht movat medwif deponit be hir aitht sche cane nocht tell the eld' of Isabell buchane bot be hir wittin sche wantit part of fiue yeris befor the ded' fra sanct Katherinis' day to festerinevin The wif of Androw cullane deponit be hir aitht sche wait nocht quhat age Isabell buchan Is bot sche coud' gange ett and' drink lang befor the ded' et cetera
Curia balliuorum burgi de Abirdene tenta In pretorio eiusdem xxv die mensis Junij anno Domini Millesimo quingentesimo septimo
buchane The said day It was sufficiently preuyt that Isabell buchane douchtir and ayr till vmquhill Williame buchane burges of the said burgh' is alevin yeiris ald' a borne of hir modir at festerinevin last bigane
The said' day Johne mar follouit and persevit the aldirman in the townis nayme for his costis and expensis maid' in Einburghe at the chakir throw the wanting of the maile of ane half nethis fischingis of the mydchingill quhilkis Dauid colp fischit and hed' the proffit of tile his vys' quhilkis Costis expensis the aldirman denyit in the townis nayme Ande thareftir the saide actioun' was put to the decision' of ane assis' of thir personis eftir writin that is to say Dauid menyeis Johne cullan gilbert menyeis alexander gray James Colison patry leslie patry rede Richerde Waus Androw fyf Androw stratoun' thomas leitht patry leslie youngar Dauid fynne Androw barkar Robert Waus malcome Crag and Alexander Retht burgis of the said' burghe quhilkis riplie auisit the gret aithe suorne the richtis resounis and allegacionis of batht the said' partiis herd' seyne and vndirstandin deliuerit and furthtgaf that the aldirman and balyeis balyeis in the townis nayme sale pay to Johne mar' fyve markis for his costis and expensis maid' be him at the chakir throw want of the maile of the said' half nethis fischingis occupeit be the said' Dauid Colp quhilkis he suld' haue pait becaus' he fischit the said' wattir'