blakhall covy The saide day Williame blakhale of that Ilk grantit to pay to Thome of towy Samekile as he awe to pay of resone

Dauid Kintor Watsone The saide day the ballieis ordanit Dauid Kintor tile entir Thomas Dunbrek the xl day lauchfule next hereftir befor thame within this tolbutht or ellis to pay to Williame Watsone the thingis contenit in the actis of the buk optenit vpon' the saide thomas

The saide day gilbert menyeis humerlie complenyeit to the aldirman and ballieis that Niniane blinsele hed' gretlie trubulit him besekande tham of Remede of Justice according tharto quhilk Ninian being accusit be the ballieis and court denyit that euire he hede spokin' ony iniurious' langage of him or his fadir and maide fatht the gret bodely aithe cumand' betuix that the Rehers' maide and spokin Anent the defraudyng of our Souerane lorde in his Customes of Abirdene throwe him and his fadir was vntrew and of nayne effect nor availe Ande atour for the Offence and trubulance committit Agan the said gilbert the saide Niniane be him and thomas leslie his forspekar Referrit him tile vndirlie the ordinance and commavnde of the aldirman and Counsale quhilkis Riplie avisit Inclusit within the Counsale hous' of the saide burghe the saide matir being considirit and Clerlie vndirstandin the saide Ninian one that ane part and gilbert one that vthir part was oblist and bundin be the fathtis of thar bodiis thar handis vphaldin to the aldirman tile vndirlie fulfile abide and Remane at thar decret ordinance and deliuerance quhilkis riplie avisit ordanit and deliuerit that the saide Niniane for the offence done to the saide gilbert he sale Sytt done one his kne and ask the saide gilbert forgiwnes and prey the aldirman balyeis and counsale to make Instance to the saide gilbert to Remyt and forgif the said' Ninian' quhilkis was done and frelie Remittit In presence of the saide aldirman ballieis and counsale Ande atour thai ordanit and deliuerit that gif euere the saide Niniane dravis ane knyf tile ony persone In tyme to Cum and beys conuict tharof for strubulance in his defalt that he sale pay tene pundis vsuale money of Scotlande to Sanct Nicholes werk vnforgevin

Curia balliuorum burgi de Abirdene tenta In pretorio eiusdem decimo die mensis Julij anno quo supra

hile lousone The saide day the Court wardit schew for lawe and It was gevin for dome that Copin hile hede falyeit in his preiwe that was assignit him to prewe that Androw lousone tuk his hous' quhilk he nowe Inhabitis siclikwis' and price as he hed' it this yer' bigane et cetera Ande atour that he awe to Sett Souerte to the saide Androw to keipe him skathtles for ane maile paying eftir the tenor of the actis maid' tharapon' obefor