Curia balliuorum burgi de Abirdene In pretorio eiusdem xxvijo die Junij anno quo supra

Curia balliuorum burgi de Abirdene tenta In pretorio eiusdem vijo die mensis Julij anno quo supra

nachtj prestone Colison' The saide day the ballieis ordanit and chargit Androw nachtj and gilbert prestone seriandis to pay to Duncane Colisone or mak him be pait of tene firlotis of malt merchande gude within xx dais hereftir becaus' Androw nachtj grantit that ane landman' was attachit for the said' malt and grantit to pay the samyn befor him and he tuk souerte to the pament of the Samyn

Seriandis chargit to Inbring the Rest of the ald' taxt The saide day the ballieis ordanit and chargit Williame scrimgeor ormond' leslie and Androw nachtj thre Officiaris to pas' punde compele and distrenye ale personis aving the Rest of the alde taxt being vnpait Sett in tyme of the passing tile our' Soueran lordis mariage quhen' Alexander menyeis was aldirman and Inbringe the Samyn to pay mastir Williame strachein xl s' aving to him and the money aving to sere Johne blak

lousone hile The saide day It was deliuerit be ane Suorne assis' Johne of mar' fospekar' that Copin hill sale Cum one friday that nexte Cumis befor the ballieis within the tolbutht and preiwe Sufficientlie that Androw lowsone tuk his hous' quhilk he nowe Inhabitis for this Instant yer' siclikuys as he hed' it this yer' bigane And' falyeing tharof the saide Copin sale fynde Souerte to the said' Androw to keipe him Skathtles and Relewe him of his maile that he pay bot ane maile