lorymar arthour The said' day Johne loremar' grantit him avande to Johne arthour xxix s' of Siluer to Compt and Rekning quhilkis the balyeis chargit him to pay within terme of law

The said day It was deliuerit be ane suorne assis' Johnne of Cullan forspekar that Robert schand' watirman' sale pay alsmekle' fische to henry Red' as he Intrometit witht And gif euyr he dois siclik thing' in tyme to cum to be expellit fra the watir And the said henry to pay the said Robert for the sclaying of the said fische And gif the said henres man' happinis to be absent to be expellit fray the said watir Richt sua et cetera

The said day Jonet Kintor was conuikit be ane suorne assis' Johnne of Cullane forspekar for the stribulance of canne houysoun' in word' ffor the quhilkis sche was in ane amerciament of the court and to amend' as law wile and forber in tyme to cum et cetera

The said' day Marioun' howysone Spous' to mathou branche was conuict be ane Suorne assis' Johne Cullane forspekar for trubulance of Jonet Kyntor seruande to Alexander Malisone for the quhilkis scho was in ane Amerciament of the court and to Amende as law wile and forber' in tyme to Cum

The said day sere Johne of stirueling notar ande clerk to the court for the tyme humlie exponit to the bailyeis ande counsaile of the saide burghe' that he was sickerly aduertist ande Informit that mathoue branche thane present hed' opponit agane ane act' of the saide court buk maide be the diliuerance of ane suorne assis' Johne collisone forspekar at commande of thomas leslie and thomas Waus tua of the bailyeis of the Saide burgh' sittande within the tolbutht of the samyne in Jugement at the diliuerance of the said assis' ande making of the saide act' sayande he sulde preiwe the saide act' fals in four of fiwe poyntis to the gret Infamite ande dishonor to the saide bailyeis sittande as Jugez ande hyme that wrait the saide act as it was deliuerit be the saide assis' ande Incontrar Justice as he allegit besekande vtheris bailyes ande counsaile that thai waulde wechsaif to ger reid heir see ande vnderstande the saide act' ande be thar aithtis determe and decerne vpone the samyne gif it was ditit ande writin in the court buk of the saide burgh' as it was deliuerit be the saide assis' ande ordanit be the saide bailyeis ande askit mathow branche tile obiect' and oppone' agane the saide act' gif he hede ony rycht or persuasioun' tharto quhilk opponit nor saide nay thing agane the saide act' Ande thar eftir the saide thomas leslie ande thomas Waus complenyeit to patry leslie ane of the bailyeis of the Saide burgh' sittande in Jugment that the saide mathow branch' one monunday the Nynt day of this Instant monetht of Junij in the bailye court of the saide burgh' haldin within the tolbutht of the samyn' hed tribulit and wrangit thame ande the saide sere Johne in his absence clerk to thame sayande that he sulde preiw the saide act' fals in four or fiw poyntis requirande thame for remeide of Justis Ande Incontinent the saide mathoue beande accusit denyit that euire he apponit agane the saide act' or committit ony tribulance to the saidez balyeis ande notar quhilk allegijt ande saide vnder his protestacioun' as efferis hawande regres' to my lorde of Abirdene his Juge ordinar he waulde nocht sustene the saide wrang' et cetera for the Some of ij merkis vpone the quhilkis the saide patry leslie balye vnderstandande this Supplicacioun' beande rychtuis' ande consonant to resone causit alexander menyeis Dauid menyeis Johne of cullane alexander reide androw cullane James colsone Duncan colisone patry reide Johne Wormet Johne Waus William colpe Johne arthour richerde Waus Duncane craik androw body witht consent of baith the saide partijs to be oblist ande suorne the gret bodely aitht to determe deliuer ande ferthgew thar deliuerance in the premiss' quhilkis riplie auisit the resonis ande allegaciounis of baitht the saide pertys herde Sene considerit and' vnderstande ale in ane woice concordande deliuerit Ande fande the said' Act' Sufficient ande deuly maide Ande writin eftir the tenour of the deliuerance of the assis' gevin tharapone Ande atour thai fande the saide mathoue hede doune wrang to the saide bailyeis ande notar Sayande that he sulde preiwe the saide act' fals in iiij or v poyntis for the quhilkis the saide mathoue was in ane amerciament of the court ande to amende to the party as law wile ande forbeir in tyme to cum Ande that was gevin for dome