Curia balliuorum burgi de Abirdene tenta In pretorio eiusdem secundo die mensis Junij Anno Millesimo supra quingentesimo quinto

meldrum mar' The saide day the balye at commavnde of the aldirman and assessoris of the court with thar avis' ordanit Johne of meldrum to pay to Johne of mar' procurator tile Arthour Andirson' the maile of the witsonday terme last bigane of the lande quhilkis he Inhabitis within xxiij houris hereftir Ande falyeing tharof the officiaris of the saide burghe' suld' punde and distrenye for the samyn

or demavnd' of the saide margaret hir' ayris or assignez Ande the saide margaret hir ayris or assignez sal foreuere mair' peciable Joys' and bruk the saide forland' with the pertinence Reseruand' the foryet of the samyn with fre vsche and entray to the saide mastir Alexander his ayris Successouris and assignez perpetualy Ande the saide mastir Alexander sal pay be him his ayris Successouris or assignez yerlie Ilkan yer fiwe schillingis and Sex pennis of annuele to the perpetuale chapellane of Sanct elegiis altar and tua pennis and ane half penny to the Rude malys alanerly for ale annuellis Rentis and vthir thingis that may be askit or Requirit of the saide Inland' onywis' In tyme to cum And' the said' margaret hir ayris and Assignez sal pay yerlie ale vthir and Sundrie annuellis Rentis and Rude malys that may be askit or Requirit of the said haill land' Inland' and forlande with thir pertinence In tymes to Cum for the annuellis that ar' aucht of the saide landis the day of the making of this Act' To the quhilkis to be obseruit and kepit lelely ande treuly batht the said' partiis oblist tham thar ayris ande assignez be the fathtis of thar bodiis thar' handis vphaldin befor thomas Waus balye of the quhilkis the saide mastir Alexander askit Instrument of me sere Johne Striueling notar and clerk of the Court Johannes Striueling Notarius manu propria

Watsone murray The saide day Thomas Watsone grantit hir' borghe' and dettour' to Androw murray for xl s' and od' money vsuale money of Scotlande quhilkis Is writin in the saide Androw murrayis buk for Johne low quhilkis he suld' pay within terme of lawe

The saide day the aldirman and balyeis with avis' of the Court assignit friday the sext day of the monetht of June next to Cum tile Johne of Meldrum tile ansuer' to the borghe' fundin one him be Jonhne of mar' procurator tile Arthour andirsone for the wranguis' withhaldin fra him of the keys of the hous' quhilkis he Inhabitis and the Witsonday maile of the sammyn immediate bigane