Curia balliuorum burgi de Abirdene tenta In pretorio eiusdem penultimo die mensis maij anno quo supra

allirdes penes firmam taxtam The saide day James allirdes taxt Ilk day v s' of maile one his hous' quhilkis William scrogis Inhabitit that he happinis tile Occupy It eftir this day

The saide day in presence of Johne leslie of Warderis aldirman Johne cullan Alexander Rede patry Rede Williame Wormet Androw meldrum Alexander malison' and Androw nachtj seriand' It was fullie appontit and accordit betuix mastir Alexander bissat possessor of ane Inlande liand in the vuirkirkgat one that ane part Ande margaret of buchane possessor of the forlande of the samyn tenement liand' betuix the lande of vmquhile Alexander stokar one the est part and the lande of vmquhile Androw Scherar' one the west parte In manere and forme eftir followinge that is to say the saide mastir Alexander his ayris assignez or successouris sale peciablie Joys' and bruk the saide Inlande foreuere without ony Impediment or demavnd' of the saide margaret hir' ayris or assignez Ande the saide margaret hir ayris or assignez sal foreuere mair' peciable Joys' and bruk the saide forland' with the pertinence Reseruand' the foryet of the samyn with fre vsche and entray to the saide mastir Alexander his ayris Successouris and assignez perpetualy Ande the saide mastir Alexander sal pay be him his ayris Successouris or assignez yerlie Ilkan yer fiwe schillingis and Sex pennis of annuele to the perpetuale chapellane of Sanct elegiis altar and tua pennis and ane half penny to the Rude malys alanerly for ale annuellis Rentis and vthir thingis that may be askit or Requirit of the saide Inland' onywis' In tyme to cum And' the said' margaret hir ayris and Assignez sal pay yerlie ale vthir and Sundrie annuellis Rentis and Rude malys that may be askit or Requirit of the said haill land' Inland' and forlande with thir pertinence In tymes to Cum for the annuellis that ar' aucht of the saide landis the day of the making of this Act' To the quhilkis to be obseruit and kepit lelely ande treuly batht the said' partiis oblist tham thar ayris ande assignez be the fathtis of thar bodiis thar' handis vphaldin befor thomas Waus balye of the quhilkis the saide mastir Alexander askit Instrument of me sere Johne Striueling notar and clerk of the Court Johannes Striueling Notarius manu propria

leslie blak The said' day It was fundin and deliuerit be ane Suorne assis' gilbert menyeis forspekar that the Salmnode fische follouit be the spous' of Johne blak Dauy fynne et cetera ane of the cauyllis of the furdis wattir of the pott was slane in the wattir pertening to Thomas leslie Johne of Ratre and vthiris that nychtbouris and pertenis to thame

Scrogis findelaw The said' day It was fundin and deliuerit be ane Suorne assis' gilbert menyeis forspekar that William scrogis hes nay tak nor assedacioun' of the hous' quhilkis he Inhabitits and aw to deuoyde the samyn to Alexander findelaw tennent' tharto