Curia balliuorum de abirdene tenta in pretorio eiusdem xxvjo die Januarij quo Supra

Sanclar' The saide day the balyeis assignit monunday that next cumis to Johne Sanclar to ansuer to the borghe' strekit one him be Dauid spens for the wranguis' haldin fra him of xix s' to compt and rekning

Rede Sanclar' Wricht The said' day comperit Jonhne Sanclar' and follouit patrik red and Richerd Wricht to freithe ande releywe of him yerlie of the pament of xx s' and vj d' of ane annuel Rent as porcionaris of ane half lande and tenment and the tothir half pertening to him in fee and heritage eftir the tenor of our Souerane lordis lettres directit to the aldirman and balyeis for ministracion of Justice in the saide matir as day assignit to bath the said' partiis to bring and schew thar richtis ande documentis quhilkis thai hede and walde vs' tharintill Ande the aldirman and balyeis accusit the saide patrik and Richerd sayand' that thai aucht to freithe and releiwe the saide Jonhne of xx s' and vj d' of annuel as said' is quhilkis thai denyit And' thareftir with consent of bath the said partiis the saide action' was put to the decision' of ane assis' of thir personis that is to say Robert blinsel Jonhne of Cullane Jonhne Colison' William blinsel David matheson' alexander gray Robert crag thomas prat William of chamer David mar' William gareauche Dauid murray William Wormet James colison' and William nicholson' quhilkis riplie auisit the gret aithis Suorne the richtis and allegacionis of bath the saide partiis herd and seyn' deliuerit be the moutht of the said Robert blinsel forspekar of the saide assis' that the saide patrik Aw nocht to reliwe the said John of nay part of the said annuelis for ony thing that thai hede seyn' and in likuis' thai fand' the said' Richerd' quyt of the frethin of the saide Johne anent the pament of the saide annuell he payand' x s' of the hail annuell as he pait obefor

Curia balliuorum de abirdene tenta In pretorio eiusdem xxix die Januarij quo Supra

toschow and his wif The saide day it was ordanit and deliuerit be the aldirman and consal for the offence and strubulance done be mathow toschow and his wif to marion' of gordone that thai salbe put in the goif thar to stand' at the will of James colisone and his wif Ande cum one sonday that next cumis in tym of the hie mes' with ane candill in Ilkan of thir handis and ask the saidez marion' and James forgivnes for the offens' done to tham and thai sal say the lanagis and iniurious' sclander that thai hed' said' to the saide marion' was fals' and that thai leit in thar hedis Ande gif euire thai happyne to quit ony offence to the saide James or marion' or til ony vthir in tymes to Cum and beis conuikit tharof salbe expellit out of this tone'