toschow The saide day mathow toschow was in ane amerciament of the court be ane Suorne assis' Dauid menyeis forspekar for the strubulance of marione of gordon' Spous to James colisone in iniurious' and sclanderous lanagis and to Amend' as law wil and forber' in tym to cum And in likuis' magis etale conuikit be the saide assis' for strubulance of the said marion' et cetera and the said' marion' quyt' of al strubulance of thame et cetera

the common' assedacion The saide day It was ordanit be the haile consal that the general assedacion that was diuisit for xix yeris quhilkis was distroit be the lordis of consale that the Seile suld' be tane fra it quhilk sele was distroit in presence of the hail consal et cetera

the saide day Jonhe mathesone and Robert matheson' his brothir grantit that thai and thar botismen' cuttit ane lyne pertening to Sandy Kennoche and thome neill for the quhilkis Ilkan of tham was in ane Amerciament of the court and to Amend' as law will and forber' in tym to cum et cetera

James be the grace of gode kinge of scottis Till ale and sindrie our' officiaris liegis and subditis quhame It efferis quhais knavledge thir' our' lettres salcum And in speciale our' admirall ande his deputis now present and tocum greting fforsamekle' as we causit of our commandment our' louit familiar' squiar' nichole ransay master' of our schip Callit the mare bartane to pas' diuers' Raissis of our' Realme in warfar' in contrar' our' auld Innemeis of Ingland Ande as we ar Informit our said admirall ande his deputis wexis ande trublis the saide nichole be thare arrestmentis ande askis and' Requiris admiralite of our saide schip to the gret tribull of our said seruitour ande in contrar' Justice gif it sa be Quhar'for we commande and charge our saide admirale now present ande his deputis and al vtheris our admirallis and' thar' deputis tocum our' officiaris liegis and subidits forsaides that nane of youe tak vpone hande to ask or Requir' admiralite of ony maner' of gudis wone witht our saide schip fra the saide nicholl his factouris or ony of his seruitouris or yet that ye or thai mak ony arestment molestacion' tribull or Iniur' to the saide nicholl his factouris or seruitouris in thar' personis landis or gudis for ony gudis wonnyn be our saide schip in ony tyme bigane ande tocum vndir all the hiest pane charge and offence that ye and ilk and' of youe may commit and Inrin' agane our' maiestate in that part Dischargeing youe our' admirall now present and your deputis and' all vthiris our' admirallis tocum and thare deputis of your and thare officis in that part be thir' our lettres The quhilk we will Endur' for al the daies and of the saide nicholes liff gevin vndir our Priue seill at Abirdene the xxv day of december the yer' of god et cetera lxxxxvij yeris And' of our' Regnne' the tend' yer'

fishearis Curia balliuorum de abirdene tenta In pretorio eiusdem vltimo die Januarij