Item the aldirman and consel has deliuerit and ordanit that Wilyam moyses demj net of the furdis sal remain in the wattir quhil thurisda / and in the meintym the fisching tharof tobe put in androw branchis hand in keping
moysesThis marginal heading i splaced on page 831. Item the aldirman consel and communite has grantit and consentit for payment of viij merkis quhilkis Wilyam moyses has pait to Wilyam giffard for half a net of the furdis and for the owyrgevin of his rycht of the said wattir / that thare salbe allowit to the said Wilyam moyses four' merkis of his wattir mail of this instant yer And vthir four' merkis in the next yer' thareftir
Item James lesly producit Janet gib duelland in Kincorth the said David strathachin beand present / and scho sworn deponit that scho kennis that thar was had again to the schip vj bollis of beer' of the outtakin / and demj bollis gevin to the wemen that wyndowit the beer' And scho inquirit gif scho wist quhat beer' James lesly resauit scho sayd scho knew nocht nor how mekil was resauit on his behalf scho wate nocht
J menyes Item the aldirman consel and communite has grantit and set til Johne menyes son' and ayr' til vmquhile James menyes burges of abirdene the fisching of ane auchtand part of the crois and til his ayris and assignais burgez and induellaris of this burgh for the termes of the next general assedacion tobe made be the commission of the toune / for sic like mail and gressom as nichbur' and vthiris pais . eftir the tenor and fourm of the next assedacion tobe made
Attour' James lesly producit thom Huntar duelland in bawnagask to declare quhat he knew anent the said beer' / quhilk the gret aith sworn deponit that he knawis nocht how mekil beer' James lesly intromettit with / of alexander' leslyis / bot he declaris / that thare wes vj bollis of the wet beer' layd in the bote again vndir the atis / and that thar was gevin to thre wemen for wyndowing of the hail corn / demj bollis of wet beer' / and for the leding of certane hidis fra the schip to the ferry j f' of the beer' the vin to the said thom huntar and Johne yungar at the ferry