In the court haldin in the tolbuthe of abirdene be William blindsel and Dauid marr' twa of the ballies of the samyn the xj dai of marche yer' of god et cetera lxxxiij Comperit george of corntoune and schew ane obligacion made be Dauid menyes and William moyses til Wilyam levingstoune of Wariston' of ellevin pundis of vsual monee of Scotland / the quhilk obligacione the saidis Dauid and Wilyam affermit and grantit / quharfor the ballies chargit the forsaidis Dauid and Wilyam moyses to content and pay the said some to the said george within terme of law
h bawne The xv dai of marche yer' forsaid In the court haldin be the ballies in the tolbuthe comperit henry bawne and grantit him tohaf resauit fra Johne the vaus on the behalf of Androw galichtlie burges of Dundee four' pundis of blak money / And atour the said Johne inquirit at the said androw gif he had ocht tosay til him anent the said iiij li' / quhilk androw sayd he had na thing tosay til him anent that some And the said androw henry grantit him that the said money was sufficient payment quhen he ressauit it as he vndirstude
Thom of culan is ordanit todeliuer til gilbert of chameris wif a siluer belt be this dai viij dais quhilk the assise has fundin scho has outred and pait for et cetera
It is ordanit be the court and the ballies that in tym cuming the baxtaris salbaik the fowat and craknel for j d' contenand x vncis of gude stuf and weil bakin brede / and the twa penny fowat or craknel of xx vncis thareftir / and the twa penny laif of xxiiij vncis / and that thai haf the penny brede redy toserue the toune like as thai ar chargit . vndir the pain of the vnlaw and eschete of the brede / And in speciale Wil burges baxtar is forbiddin topreuene his nichburis in the biing of victal quhil it be present in the merket vndir the pain forsaid
The samyn dai the action debatabil betuix Dauid menyes yongar and Wilyam moyses was put til ane assise the quhilk sworn and riply avisit deliuerit be gilbert the vaus forspekar' that thai couthe pas na forthir' than a decrete producit before thaim subscriuit with the handis of James lesly and robert blindsel and vndir alexander redis merk