The samen dai comperit before the ballies in Jugement Alexander huchonson and declarit that he fischit ane half net / of the furdis on the behalf of alexander forbes . the quhilk he fischit farnyer' / and that he intrometting with na fisching pertening til Wilyam moyses as fermorar' til William giffard apon that wattir
In the court haldin in the tolbuthe be the ballies the xix dai of februar' yer' et cetera lxxxiij William quelp and Robert Kintor comperit before the aldirman ballies and diuers of the consale and oblist thaim be the faith of thare bodijs of thar awn' free wil til stand abyde and vndirly the ordinance and decrete of the Aldirman and consel of this burgh anent half a nettis fisching of Done clamit be the said Wilyam / and ane achtand part of the crois clamit be the said robert / And monondai is assignit to thaim to produce thare documentis before the aldirman and consel anent thare clame of the said fischingis
a lesly Ja lesly the same dai Alexander lesly of wardris on the ta part / and James lesly on the tothir part / anent the clame of xiij merkis acht til our soueran lord and the said alexander as ressauour til him in the tyme the yer' that the said James was aldirman of abirdene / and of certane beer' clamit be the said alexander / summittit and oblist thaim thare handis wphaldin tovndirly the deliuerence of thir personis vndirwritin chosin and sworn as in ane assise that is tosay Alexander setoun of meldrum alexander menyes george lesly John' of culan alexander rede alexander marr' and thomas prat / quhilkis riply avisit has fundin and deliuerit be thare athis that James lesly suld pay the said xiij merkis til alexander lesly And anent the clame of xvij bollis of beer' thai ordane the said James to pay the said alexander / for euery bol that he prefis or makis gude with ij or iij personis that knawis it / within xv dais before the aldirman or ballies of this burgh that the said James intromettit with / alsmekil as beer' was sald in abirdene in the tyme that he resavit it /
the aldirman and consel has deliuerit and ordanit that the half net pertening to Wilyam moyses of the furdis sal remayn in the wattir as he is marrowit / quhil mononday / and haf the profitis of the fisching tharof gif the demj net be fundin his
the xx dai of februar' yer' et cetera lxxxiij In the court haldin in the tolbuthe before the aldirman and ballies comperit William moyses . and rehersit how it was ordanit yistirday that his half net of the furdis suld remayn in the wattir with Wil moris demj net / quhil mononday and sayd that the said Wil more wald nocht thoil the said Wilyam moyses demj net nor his awne to fisch like as it was ordanit / quharfor he protestit that in sa fer as he wald nocht lat him fisch / that quhat scaith that he sustenit tharthrou that Wilyam more suld vprycht and assithe him tharof