acquit' Item the samen dai the aldirman consel and communite has gevin and grantit til Wilyam quelp ane auchtand part of the wattir of the crois quhilk he has in assedacion maylfre indurand al the termes of this instant general assedacion last made / and quitclamis and dischargis the said Wilyam his ayris and assignais of the said mayllis for al the termes of the said assedacion / because the said Wilyam has renuncit and ouyrgevin al richt and clame of rycht of half a net of Done quhilk he had vndir the common Seil
portar Item the Aldirman consel and communite has gefin and grantit til Wilyam portar ane half nettis fisching of the furdis til him his ayris and assignais / for al the termes of the next assedacion tobe made / eftir the tenour of the samyn / payand tharfor sic like mail and gressom as nichbur' and vthir pais tharvpon thai haf grantit the common seil
lutar The xxvj dai of februar' yer' of god et cetera lxxxiij / the aldirman consel and communite has assignit Jhone colison for the payment of sex merkis yerly tobe pait til Wilyam lutar' of the said Johnes wattir mail for the said Williamis pencion quhilk he has of my lord of crauffurd be virtu of the said lordis assignacion made to the said Wilyam be his lettrez tharuppon / the quhilk vj merkis salbe allowit yerly to the said John' colison in his wattir malis be the toune / he takand the said Wilyamis quittance of his ressate yerly tobe deliuerit and schawin to the aldirman and ballies for his discharge and making of thare acompt / et cetera
quelp The samen dai Wilyam quelp grantit him tobe awand til Robert blindsele twa barellis of Salmond quhilkis suld haf bene pait a yer' syne bipast for the quhilkis ij barellis the said Wilyam is oblist topay to the said robert four' merkis be Sonday in mydlentrin and falyeand tharof he sal pay the said robert twa barellis of Salmond at mydsummyr next tocum / To the quhilk payment he has assingit his auchtand part of the fisching of the crois to the said robert quhil he be content and pait of the said ij barellis of salmond / And toentir with the said fisching at the said terme of mydsummir gif it falyeis of his payment as said is . To the quhilkis Wilyam quelp is oblist be fath of his body Witnes John' colison ser robert leis ser John' striuelin notar and vthir diuers'
Item the said dai the counsale and communite has grantit til obserue and keip til ser John' of ruthirfurd aldirman the promit made til him at the instance of my lord of erol / the lard of Drum and mastir gilbert hay of vry . like as thai sal declare in the said promyt as it was made et cetera