blayr the samyn dai it was fundin and ordanit be the assise that Alexander blayr suld deliuer and pay til John' grig ten stan' et demj of wol / tharof v stan' and demj now in hand that he is pait for / and the v stan' remanand at beltane next tocum the said John' payand til him tharfor twa merkis / and the said alexander is in amerciament et cetera
In the court haldin in the tolbuthe of abirdene be the ballies the xvj dai of februar' yer' of god forsaid It was fundin and deliuerit be ane sworn assise that thom quhite aw til John' the vaus' on the behalf of mariory fife his spous' j barel of Salmond be his obligacione / tobe pait within terme of law / les than the said thomas can preve as law wil the said barel pait sen it is nocht diffesit apon the obligacion / And the ballies has assignit this day xv dais to the said preif
lesly The xvij dai of februar' yer' of god et cetera lxxxiij In the tolbuthe before the ballies and consel comperit Alexander lesly of Wardris and clamit the toune of xiij merkis acht yerly of thir twa yeris last bigane be the toune til our souerane lord and til him as Ressauour in the tyme of the fermes of this burgh Of the quhilkis twa yeris James lesly grantit him and oblist him be his landis and gudis to warand releve and keip scathles the said burgh and ballies of the samyn of xiij merkis for a yer' in the quhilk he bure office of aldirmanschip witnes heirof Alexander menyes alexander rede gilbert the vaus androw branche Wilyam moyses and vthiris diuers'
The xiiij dai of februar' yer' et cetera lxxxiij the consel has ordanit and concludit that na man beand in the commission to the parliament / salhaf expens' of the toune / bot the Aldirman allanerly gif that he passis And this is done for the freing of the toune / and for the comoun profite et cetera
W coupar the samyn dai comperit before the ballies in a fenssit court William cowpar with Alexander chamer of murchil his forspekar' / and proponit and schew that he had set in feuferm heritably til Donald gilfullan ane land liand in the hede of the schipraw apon the quhilk / twa houssis ar biggit / for j merk of annuel yerly tobe pait to the said Wilyam / his ayris and assignais / And that the said Donald had analeit / and of the said housis til thom of narne / annuel fre / the quhilk alienacion the said Wilyam declarit was made but his consent / quharfor he protestit solemply in presence of the said thomas of narn . that quhat was done anent the said alienacion suld tvrn him his ayris nor assignais til na scath nor preiudice in tym tocum / bot that he and thai mycht distres the said twa housis and ilkane of thaim for the said annuel alsoft as efferit or war neidful / And tharuppon he tuke instrument / Witnez Robert blindsel alexander rede Walter achneve androw branch philp of Dunbrek seriand and ser John' striuelin notar' with vthiris sindry