pynouris The said day the prouost bailyeis counsaill and communite commandit and ordanit all pynouris haffand' hors within this burgh to entir to morne at the nixt and cleng the towne of all myddingis and na labour to be done be thaim quhil the tovne be clengit And ordanit the officiaris to warne the said pynouris to entir tharto

broys' The said the Dauid brois' present to the prouost and bailyeis ane breif of lynyng betuix him and alexander malisone And the bailyeis assignit this day viij dais for the serving of the said breif

Curia Balliuorum de Abirdene tenta In pretorio eiusdem decimo die mensis Maij Anno Dominj millesimo quingentesimo decimo

Statut' for the swyne Alsua it was statut and ordanit that na swyne being within this burgh' yong nor auld' be haldin vteutht band' and of the forgait for ane fiftene dais this day being runnyne vnder the pane of slauchtir of the said swyne escheting of thame and banyssing of thame that aw samyne And als that all the tovn' be devoydid' of the swyn croffis vndir the samyn pane betuix this and thurisday nixt tocum

Alsua it was statut and ordanit that all manere of persone or personis that bringis ony gr byrkis holingis gyrs' herbis or ony vthir grene flouris haf common' passag and sall haue fre money and reddy siluer for the samyn'