The said day the prouost bailyeis and Counsaile present for the tyme grantit and gef to Johnne of murray and Johnne of buchane the quarter clerkschip of the gastraw warand' be the dimissioun' of master thomas chamer that had the samyne obefor equaly betuix thame for thar gud and continuall seruice to be done in the queir and kirk of the said burgh'

The said day the bailyeis assignit this day viij dais to Waltir honyson till ansuer to the borgh' fundin one him be Dauid mar' eldar in the name' and beahlf of Elizibeth chamer his spous for the wranguis' withhaldin fra hir of ane schryne and ane padok hingand loke

The said day the bailyeis assignit this day xv dais to Walter honysone till ansuer till the borgh' fundin one hyme be thomas chamer for the wranguis' withhalding fra him of ane premar buk pertening to him in arschip be the deceis' of vmquhile alexander chamere his grantser clappit with siluer with the almys apon' the said clasp of his said grantser' quhilk was in his possessioun in the tyme of his deces'

Curia Balliuorum de Aberdene tenta In pretorio eiusdem quinto die mensis maij Anno Dominj et cetera quingentesimo vndecimo

The quenys propin The said day The prouest Bailyeis counsaill and communite of the said burgh warnit be the handbell and the officiaris oppinly throu the haill towne gatherit and circualy Inquerit be Normond of lesly and gilbert prestoun' officiaris all in ane voce concordand grantit and frely consentit to Ressaue oure Souerane lady the queyne als honorablie as ony burgh of scotland except' edinburgh' allanerlie and to mak as larg expens' tharapone as the prouost and counsail diuis' for the honour of the towne and plesour of his gud grace And for the money to furnis' and mak the expens' herapone the haill towne representand the body of the samyne grantit consentit and ordait certane commissaris that is to say the prouost ser Johnne ruthirfurd' Johnne colison' Johnne of mar James colisoun' Johnne of cullan' and Androu cullane to set certane takis fischeingis and landis of thar' commonte for the termes to be thoucht expedient be the said commissaris for the sowme ijC li' vndir or abuf as thai think expedient to prouid the said propin allanerly And ordanit ane commissioun' to be maid to the said commisaris and selit with thar common' Seill Alsua thai ordand' assedacionis to be maid and diuisit be the said commissaris to the personis takaris of the said landis and wattiris to be selit with thar commone Selis for the termes that said commissaris happinis to set the samyn Apoun' the quhilkis the prouost askit Insturment of me ser Johnne sterueling notar public befor ser thomas bynne ser Dauy leis sere thomas Wricht and ser Dauy lyel And the said commissioun' and assedacionis to be maid one the souerast wis' to burges induellaris of the said burgh'