Curia balliuorum burgi de abirdene tenta in pretorio eiusdem decimo die mensis nouembris Anno quo Supra

Cordonaris The secund day of December the yer forsaid Thomas meldrum Androw michelson' Wilyeame king Johnne of grene Johnne wschear Johnne maky Androw Wryct Thomas Kridy cordonaris was accusit for the bying of hiddys vthirwais thane the law of the borgh' schawis that is to say the lug and the horne as elik lang And' for barkin and schapin baitht and for skathing of the tovne in selling of schone and stuff derrer thane accordis thame to do of law Quhilkis thaj denyit And thareftir the said actionis was put to the decisioun' of ane assis' of thir personis vnder writin that is to say Johnne colisoun' Duncan colisone alexander gray Wilyeame portar Alexander malisone patry Reid' Wilyeame Wormet mathou branche Wilyeame murray henry Reid' charlis stevinsone Androw lousone malcome crag Johnne of crag Wilyeame cheishame burges of the said burgh' / quhilk riplie auisit the greit aitht suorne deliuerit all in ane woice concordand' that thai culd' nocht acquit the said cordonaris of the said bying of hiddis vthirwais thane the law leivis langar thain the lug' and the horne ar elik lang Of barking and schaping atanys And for skatting of the tovne' in selling of schone and vthir stuff ffor the quhilkis ilkane of thame was in thre amerciamentis of the court And till amend as law wil and forber in tyme tocum And that was gevin for dome

Statuta alluatiorum The said day It was statut and ordanit for the commone proffit and wil of the tovne be the prouost bailyeis and counsaill that all cordonaris and craftismen of that craft sall sel seyngil solit schone for men for xiij or xiiij d' the pair at the hiest price double' solit schone for tua schillingis wemen schone for viij d' seruandis schone viij d' barnis schone for vj d' iiij d' or iij d' eftir the quantite of the barne vnder the pane of breking of commone ordinance And' amerciament of the court to the bailyeis of the brekaris of this statut alsoft as thai be conuict' tharof vnforgiffin

Inquisicio magistri Andree gray Decimo die mensis Decembris Anno quingentesimo decimo Johannes colisone Duncanus colisone alex Willelmus portar Dauid mar Patricius reid' Dauid Theman Johannes moir Dauid' fynne andreas meldrum Willelmus Abirdour andreas Stratoun' Johannes colisone Junior Duncanus fif alexander malison' patricius chernsid' Jurati dicunt

the kingis propine The xij day of the monetht of December the yer' of gode jM vC and tene yeris It was ordanit and deliuerit be the prouost ballieis and Counsale present for the tyme that thar' salbe gevin tile our Souerane lordis propine als' mekile wynis as it emples' his mastir of wyne Sellar' and seruitoris tak tile his hienes to gidder with ane dusane pundis of scorcheatis ane dusane of torchis ane dusan of prikatis ij dusane of Spis of wax to the pament of the quhilkis thai sale borrou alsmekile of the malis of the toune quhilkis the prouest balyeis and Counsale grantit to pay agan at the tyme conuenient tharto