Statuta broustaris The said day all the broustaris within this burgh' contenit in the officiaris billis except the wif of cristy prat Jonet crovdane the wif of Dauid broys' the wif of Dauid fynne the wif of richerd Wricht in William scrmgeouris quarter maly Kintor Elizibeth ranisone the wif of mathou branche the wif of Dauid lame the wif of thome riddaile Katherin Wrquhar in ormond leslies quarter NannisKintor and the wif of Johnne pipar in Androw naughteis quarter war conuict' be an suorne assis' ser Johnne ruthirfurd forspekar for the brekyn of common ordinance and selling of viij d' aile that was nocht worth vj d' And' selling of the aile derrer than it was set be the cunnaris for the quhilkis ilkan of thame as in amerciament of the court and till amend' as law wil and forber in tyme tocum

The said day Wilyeame scrimgeour officiar at command and charg of the bailyeis commandit and chargit be the tueching of his wand' of office Dauid andersone to comper befor thame one friday tat nixt cummys to ansuer to the borgh' fundin one him be alexander nory for the Intrometting with four bonettis of the said alexandris et cetera becaus the said borgh' was denyit and put til ane assis' And the said assis' culd nocht decerne tharapone becaus the witnes that was warnit tharto was warnit callit and nocht comperit

Curia balliuorum de Aberdene tenta In pretorio eiusdem decimonono die mensis Decembris Anno Dominj millesimo quingentesimo decimo

officiaris

Statuta pistorum The said day It was statut and ordanit be the prouost and Counsale present for the tyme that all Baxtaris within this burgh' sall warne the officiaris of thar quarter quhen' thar bred' is drawin quhilk officiar sall se the said bred weyit eftir it be drawin or ony tharof be sellit gif it be gud sufficient stuf and kepand the pas' euiry officiar kepand' the personis and weyand' the bred' of thame that thai ar assignit to in the actis maid' obefor And gilbert prestone now chosin officiar to haue the sted and place of Johnne cuk officiar' befor him And that nain of the said baxtaris tak vppoun' hand to sell ony bred' or It be weyit be the officiar vndir the panis contenit in the statut maid afor that is to say brekin of commone ordinance And gif the bred' beis dravin one the nycht It sall stand' quhile the morne that it be weyt be the officiar of tham that bakis the samyn Nocht withstanding the said baxtaris ar conuict' now of the said poynte / and for brekin of the pas' sen' it was last gevin to thame And thar vnlawis supercedit be the Requiest of the prouost and consall of thar gud bering