The said day Johnne arthour allegeit that he vnderstud' nocht gif master thomas chamer had ony annuell of his land vteutht the port of the gallougat nocht withstanding gif the said master thomas wald' schaw gif he ony annuell of the said land' he offerit him reddy thar and in tyme to cum to mak pament of the said annuell he schawand' that he had the samyn

The said day James colisone Bailye grantit that master thomas chamer curat come to him one the gild' court day last bipast and requirit at him to gif command and direct' ane officiar with him to pay pund' for his annuell' And the said bailye grantit that he commandit androw naughtie to pas' with him in generale to pund' for annuellis and nocht in speciale

The said day the bailyeis continewit the opnyng of the deposicionis of the witnes anent ane part of airschip clamit be robert stevinsone to this day viij dais And' ordand the officiaris to warne the Relict' of the said Androue to heir the said deposicionis oppinnit

Curia Balliuorum de Aberdene tenta In pretorio eiusdem die mensis Nouembris anno quingentesimo decimo

The said day Johnne Crag grantit that charlis stevinsone had na part of the gudes contenit in the obligacioun' maid to mathou Doublet induellar in Deip be the said Johnne Dauid' Rutherfurd and the said charlis Nocht withstanding the said Johnne said that the said charlis chesit ane puncioun' of wyne to Alexander nory