Curia Balliuorum de Abirdene tenta In pretorio eiusdem vicesimoquinto die mensis octobris Anno quingentesimo

The said day the borgh' fundin be Wilyeam andirsone flessar one Johnne andirsone alias lochhillis' for the wranguis' withhaldin fra him of ane franche crovne of wecht or the auaile of It was fundin of awaile be ane suorne assis' ser Johne ruthirfurd' forspekar for the quhilkis the said Johnne Andersone was in amerciament of the court and' aucht to pay the said crovn' of wecht to the said Wilyam or thane xviij s'

The said day the bailyeis chargit alexander King to content and pay to Androw louson' ane franche crovne within terme of law and' chargit Walter cullan bailye and patry chernsid' to freitht and releif the said alexander of the sovme contenit in the obligacioun' maid tharapone And' als' ordanit the laif of the merchandis' apone the quhilkis the said Walter cullan is complanteis to be chargit witht ane officiar to pay thar partis of the said money

murray The said day robert murray lauchfully' callit warnit and nocht comperit be androw nachty officiar til haue ansuerit at the Instance of Johnne collison' bailye was in amerciament of the court in defalt of apperance

Ratificacio fact' pro equitan' in die Sancti nicholaij The saide day the prouost balyeis and Counsale ale in ane consent ratifeit affirmit and appreuit the Act' and louabile statut maile obefor Anent the personis diuisit and ordanit to Rid' one Sanct nicholes day with the abbat and prior of bonacorde throw the toune as vys' and wount has bene tymes bigan and ale pontis contenit in the samyn