Statut' of candilemakaris The saide day It was Statut and ordanit that ale the Candilmakaris of this toune sale mak Candile ij for j d' and ane for ane penny smale wekit weile dryit the punde weing for iij d' and sale Sele the punde for iij d' be wecht

michelsone vshear' The saide day the prouest and balyeis chargit and ordanit Androw michelsone to deliuer to Jonhne vschear' the ald' chartiris of the lande Set to him in feuferme the said'

Cullan bremar The saide day Williame bremar lauchfullie warnit callit and nocht Comperit to ansuer at the Instance of Jonhne of Cullane for the deferring of the making of his keis was for the quhilk he was in Amerciament of the court et cetera Ande the balyeis ordanit to distrenye the saide William for his absence and tharfor the saide Jonhne Solempnitlie protestit quhat skath he happinnis to tak throw the wanting of his keis his durris an lokis being oppin suld' be Recouerit be him one the said' William

stratone Relicta Stevinson' The saide day Androw stratone Curat to Robert steuinsone offerit him to preiwe ane Ring ane hors and quheile Cardis and certane vthir gudis of airschip contenit in the bile gevin tharapone beand' in Androw Steuinsonis possessione the tyme of his deces' this day xxtj dais and gif it be lauchfule falyeing tharof the next lauchfule day thareftir follouing In presens of Norman leslie procurator to bessy leslie the Relict of the saide Androw

Statuta pistorum The saide day It was statut' and ordanit be the prouest balyeis ande Counsale that ale the baxtaris of this burghe' sale baik xxxiiij vnce of quhet brede for ij d' nochtwithtstandand' the saide baxtaris bakande xxxij vnce of clene gude quhitflour weile boutit and bakin for ij d' thai salbe ourlukit quhile thai be forthir auisit Ande this statut to be obseruit and kepit vndir the pane of brekin of common ordinance