The saide day the balyeis assignit monunday that next Cumis to androw litstar tile ansuer to the borghe fundin one him for the wranguis' withhaldin fra him of x li' g' g'

The said' day Anny Scherar' warnit and nocht comperit tile ansuer to Jonhne brabnire for ane part of gudis of airschipe pertening to him

The said' day Jonhne litstar resauit xxtj li' of golde and quhit money fra Jonhne of Cullan and deliurit him the Indentur' and the Copy of it Anent the lande quhar' the said Jonhne litstaris duellis liand in the gallougat

Curia balliuorum burgi de abirdene tenta in pretorio eiusdem xij die mensis Augusti anno quo supra

Pyile andirson' The said' day Dauid andirsone complenyet that thome Pyile had tribulit him quhilk the saide thomas denyit In continent thareftir the said action' was put to the decisioun' of thir personis that is to say Johne of Cullan Androw fif thomas Wode mathou branche Richerd Waus Duncan fif Androw litster Johne of murray Jonhne Crak Johne andirsone Cuthbert Jonesone Johne murray yongar Robert hile Johne Colisone Syme ellone Johne malisone Dauid mar' yongar Robert Kennertj and Johne mar' Dis' quhilkis suorne the gret bodely aithe in ane assis' the richtis resonis allegacionis witnes and preuis of bath the said partiis herde seyne and vndirstandin ale in ane voce concordand deliuerit be the moutht of the saide Johne Cullan forspekar of the said assis' that thai coud' nocht acquit the said thomas Pyile of the tribulance of the said Dauid andirsone for the quhilkis he was in Amerciament of the court et cetera and tile amend as law wile and forber' in tym' to Cum and that was gevin for dome be the moutht of William fynne dempstar of the said court Ande the said' Dauid quyt of ale trubulance of the said thomas And the said assis' ordanit the said thomas to be put in the goif and his knyf in his hand at the wile of the said' Dauid Ande referrit the remanent of the amendis to be considerit be the prouest and Consale one friday that next Cumis'