Bynne capellanus The said day comperit ser thomas Bynne chaplane of sanct michaelis alter within the paris' kirk of the said burgh' situat' And schew how he was vnder process' of suspensioun' be my lord abirdenis lettrez' for the haldin of certane pundis takin be him of ane lannd' pertening to Johnne andersone fra Dauid bannerand tennand' of the samyn for the samyn in defalt of certane annuell awing to him and vnpait that is to say thre platis thre dischis thre poyntis tua pannys and ane chandelar Quhilk pundis the said ser thomas broucht and present within the tolbutht of the said' burgh' befor the bailyeis sittand' In iugment And offerit tham reddy to be deliuerit to the said Dauid or ony vtheris haffand' richt tharto thai payand' him xiij s' iiij d' eftir the tenour of my lord Aberdenis lttrez' direct' tharapone And becaus the said Dauid nor nane vtheris comperit to ressaue the said wescheall and pay the said money he deliuerit the said weschall and put thame in ferme keping within the said tolbutht quhilk ar reddy to the said Dauid quhat tyme he cum and requyr the samyn and pay the said xiij s' iiij d'

Cullan' Bisset The said day georg bisset in lunger follouit Androu Cullane burges of the said burgh' that he had gretlie tribulit him in the mastirfull and wranguis' takin fra him of ane writ contening ane borgh' et cetera quhilk the said Androu denyit and thareftir with consent of baitht the said partiis the said actioun' was put to the decisioun' of ane assis' of thir personis that is to say ser Johnne ruthirfurd knycht Androu fif patry reid' Duncan fif Johne craik Johnne brabner Robert hill alexander burnat Dauid Cristy alexander nory Wilyeame lindesay Johne malisone and alexander buk quhilkis riplie auisit the richtis ressonis and allegacionis witnes and previs of baitht the said partiis herd sene considerit and vnderstandin fand' and deliuerit be the moutht of the said ser Johnne ruthirfurd' forspekar of the said assis' the said Androw cullan' quyt of all tribulance of the said georg

The saide day Williame lindesay grauntit him to pay to Johne brabnire iij s' of annuele of the Witsonday terme bigane

Curia balliuorum burgi de abirdene tenta in pretorio eiusdem sexto die mensis augusti anno quo supra

arthour talyour Duncansone The saide day marioune Duncansone sister and ayr tile vmquhile Jonhne Duncansone burges of the saide burghe' and george talyour hir spous was oblist and suorne the gret bodelie aithe the halie ewangelis expremit that thai sulde Infeft Jonhne arthour burges of the saide burghe be chartir sesin and possession' in the sikerast wis' cane be diuisit in thar forlande with the pertinence pertening to the saide marion' in heretage liand' in the vuirkirkgat als' sone in continent the said' marion' happinnis to be put in lauchfule Sesin tharof be the letter of Sesin of the kingis chapele and Seile the chartir tharapon' with bath thar selis Ande the saide Jonhne sale pay to thame at the said' Sesin gevin Nyntene merkis and aucht Schillingis scottis money restand' vnpait of the said' lande and the saide george and marioun' sale do ale thar diligence and labour to caus' the breif of Inquest Impetrat' or to be Inpetrat' In the nayme of the saide marion anent the said forland be seruit and folloue and persew the seruing of the samyn quhen euir thai be requerit be the said Jonhe arthour