The said' day Jonhne Malisone and Alexander buk offerit ane golde Ring to Norman leslie Officiar' to be prisit for the vj li' and v s' avin to Jonhne Crak to perofferit to deliuer mair' gudis gif the said ring extendis nocht to the availe of the said' money

The said' day Jonhne Cullane grantit ane yeris tak of the lande quhilk Johne litstar Induellis for ane yer' for the male paing to the said Johne Cullan

The saide day Jonhe' malisone and Alexander buk grantit that thai hede resauit sex li' and v s' scottis money of Jonhne Crakis quhilkis Androw nachtj sergeand at commavnd of the balyeis chargit be his wande of office to remane within the tolbutht quhile thai pait the saide money to the saide Jonhne crak

murray The saide day the prouost balyeis and diuers' of the Counsale present for the tyme grantit and ordanit to gif ane govne to Robert murray sangstar for his gude seruice done and to be don'

The saide day the ballieis assignit this day xv dais to Jonhne litstar tile ansuer to the borghe' fundin one him be Jonhne Cullan for the wranguis' withhaldin fra him of xxxij li' and x s' for the maile of his lane liand' in the gallougat quhar he duellis and discernit the Copy of the saide burg borghe to the said Johne litstar One his expens'