The said day Wilyeame stile merchand man comperit in Jugment In presens of alexander hay befor patry lesly bailye and offerit him reddy tile vnderlie the decisioun' of ane assis of his nychtbouris befor his Jug ordinar in ale actionis caus' and querellis that the said alexander had to say to him Protestand' that quhat the said alexander did' tharto or persewit him befor ony vthir Jugis sen' he was thar til vndirly his ordinar' Jugis suld' turne him to na preiudice

Curia balliuorum burgi de abirdene tenta in pretorio eiusdem xxvjo die aprilis anno quo supra

The said' day It was Sufficientlie preuit that Jonhne fechat is avand' to Canny murray viij s' scottis money for iiij eln' of clath quhilkis he promittit to pay to hir within terme of law

The said' day the balyeis assignit monunday that next Cumis to Robert Waus to bring his procuratorij quhilk he has of Robert prat to resaue the annuele of sere Androw Colison' land' et cetera

The said Bessy bisset was conuict be ane suorne assis' Duncan Colisone forspekar for the tribulance of Wilyeame King cordoner for the quhilkis scho was in amerciament of the court and til amend' as law wil and forber in tyme tocum And' the saide Wilyeame was maid quyt of al tribulance of the said bessy And the amendis tharof referrit to the prouost and bailyeis on' friday that nixt cummys