The said day Wilyeame scrimgeour officiar' at command of patry leslie bailyhe chargit Johnne colisone bailye to pay iij s' vj d' to Johnne arthour within terme of law of the rest of ane gretar' Some eftir the tenour of the Act gane obefor et cetera

The saide day the balyeis assignit monunday that nixt Cumis to Robert Kennertj to preiwe the gudis of airschip clamit and persewit be him haldin be Jonet traile fra him be deces' of James Kennertj his fadir and ordanit him to bring his preuis to the said' day Ande the saide Jonet tile ansuer to him tharupoun' Ande atour thai ordanit the saide Robert tile ansuer to the said' Jonet in the thingis scho has to say to him and discernit the copy of the bile of airschipe clamit be the said Robert to the said' Jonet one hir' expens'

The said' day the Court wardit schew for law and It was gevin for dome that thomas ridale hede preuit Sufficientlie that Symon' ellone is aving to him xxxti s' for vj barrellis of vnyonis' and aw to pay him the samyn within terme of law for the quhilk he was in Ane amerciament of the court et cetera and aw aw to pay the saide xxxtj s' and that was gevin for dome

The said day Johnne of mar and patrik lesly bailyeis chargit Agnes scherar the relict of vmquhile Waltir philp to deliuer to Johnne brabner the ayrschip grantit be his in bill in continent to the said Johnne'

The said day Thomas moir grantit him awand' to Johnne Abderdour viij hiddis half xiij hidis and half cow hiddis and vj quarteris of fusteane quhilkis the bailyeis chargit him to pay within terme of law