The said day it was statut and ordanit be the Prouost bailyeis ande Counsaile that the sacristar sal nocht oppin nane Erd in thar paris' kirk to mak gravis nor laris without licence of the masteris of the kirk werk And gif he or his substitut' oppinnis the erd but licence as said is the said sacristar sal pay xxtj s' for euiry graive that he oppinnis And euiry on' fre man or woman that lyis in the said kirk sal pay xxtj s' for thar laire Alsua the personis of the auld' blud of the towne that happinnis to ly in the said kirk salbe considerit be the quantite of thar gudis and extentit be the prouost and masteris of the kirk werk for the tyme for thar laris And the sacristar sale clois' ale gravis and cleng and dicht ale stanis and filtht that happinnis tocum furtht of the said gravis within aucht dais eftir the erd be oppinnit

The sangstaris of the queyr The said day for the vphalding of divin seruice to the honour of god and haly kirk et cetera The prouost bailyeis and Counsaile grantit and' Consentit to pay to ser thomas bynne four pundis aving of termes bigan to him And has assignit to him xl s' yerlie to be ressauit of the malis of thar vuire mylne tharof xxtj s' at Witsonday and xxtj s' at mertimes And' assignit to ser Wilyeame Wricht chaplane xl s' yerlie to be ressauit of the malis of the said myle at the said termes of Witsonday and mertymes for his gud and continuale seruice to be maid in the said kirk and grant to pay him xl s' for his fee of the yer bigan Item thai ordane thar denys of gild' to prouid' ane gowne price xiiij to Willy brovne Item a govne to Johnne buchane a govne xiiij s' Item to thome' forbes ane govne price xiiij s' Item to gilbert bynne a govnne price xiiij s' And tua markis to Johnne goldsmyth for thar gud and continuale seruice to be maid' in singing in the said kirk at ale houris tymes and placis according tharto

Craik disposicioun' of the quarter clerkschip of the castelgat The said day the prouest bailyeis and Counsaile Riplie auisit deliuerit gef and assignit to Robert craik sangstar the quarter clerkschip of the castelgat vacand' be dimissioun' of ser Walter strathachin with all commoditeis and proffittis pertening or may pertene tharto Induring' thar will for his gud and continuale seruice to be done in singing' at ale matutinis mess' ewynsaung' and completoriis at ale tymes et placis within the said kirk

The said day the prouost bailyeis and Counsaile grantit to ser Wilyeame coupar thar familiar chaplane the nixt ressonable' seruice or chaplanry that happinnis to waik being at thar dispoiscioun' conuenient for his sustentacioun' for his gud and continuale seruice done and fortobe done within thar said kirk he leving his office of sacristanschip or clerkschip at the disposicioun' of the townne' quhilk he ples'

The said day Richerd hendirsoun' litstar tuk to preiwe one friday that nixt cummys that he had pait the maile of the hous quhilk he inhabit at the terme of Witsonday bigane quhilk was the said Witsonday termes maile of Witsonday quhilk hous' pertenis to Duncan Wandy in heritag'