The said day alexander gray grantit him awand' tile Alexander Tulidef xxij schillingis quhilkis the bailyeis chargit him to pay within terme of law

The said Robert Joffray grantit him awand' tile Androw Durty tailyeour xxvj schillingis quhilkis the bailyeis chargit him to pay within terme of law

The said day Johnne growele franchman one that ane part and alexander buk one that vthir oblist thame be thar handis vphaldin to stand' and abid' at the deliuerance of William Abirdour and Johnne reid' anent xl s' for certane frankis franche money

Curia Balliuorum de Abirdene tenta In pretorio eiusdem decimo quarto die mensis Decembris Anno quosupra

The said day the borghe fundin one Johanne andirsone george bisset and Androw litster be John malisone for the wrnaguis' withhaldin fra him of ane key of ane loft and for the setting of the samyn without his consent was fundin of nain awaile be ane suorne assis' ser Johnne ruthirfurd forspekar ffor the quhilkis he was in amerciament of the court for the wranguis' strikin of the said borgh' and thai quyt of his chalang