Ellon' The said day the Alderman and baillies continewit the opnyng of the deposicionis of the witnes of the sek of woll pertening to Syme of Ellone to this day xv dais without ony preiudice / And' that day the deposicionis of the said witnes to be opinnit and thai to gif thar decreit tharapone

Curia balliuorum de Aberdene tenta In pretorio eiusdem vicesimo secundo die mensis marcij Anno et cetera quingentesimo septimo

meldrum mar The said day the Alderman and baillies commandit and chargit ormond' leslie officiar to lay wand' on Johnne of meldrum and charg him to Remain within the tolbutht vnto the tyme he fulfillit the Act' of the buk gane abefor betuix him and Johnne' of mar' bailye anent ane hald netht quhil suld' be deliuerit to the said Johnne' lik as in the said ak mair fullelie is contenit

The said day the prouoist and bailyeis contenvit the the takin of the deposicionis of the witnes betuix James collisone and Androw murray to monunday that nixt cummys / becaus Willeame portar bailye allegit on' the said Androwis behald that he wald' refer that mater to the said James deposicioun'

low Andirsone The said' day it was fundin and deliuerit be ane Suorne assis' James Colysone forspekar that Jonhne low is aving to Dauid Andirsone xxiiij s' and x d' quhilkis the balyeis chargit him to pay to him within terme of law