The saide day It was statut and ordanit be the prouest balyeis ande Counsale that nayne vnfre folkis by wittale in the mercat nor' yet mak price bot tak ane part to sted' thame fra fre folkis that byis and makis the price Ande that nay persone by bot ane laid' of wittale one ane day vndir the pane of viij s' and eschet of the wittale

Curia balliuorum burgi de Abirdene tenta In pretorio eiusdem antepenultimo die octobris

The said' day It was statut and ordanit be the prouest balyeis and counsale that euer persone Selling ayle within this burghe furnis' and haue ane tynning pont Signat with the commone stamp of the towne within xv dais hereftir vndir the pane of escheting of the wescheale and viij s' vnforgevin Ande thai sale bring thar pontis to Williame Stile peuterour' and mellis thame with the commone Ingale and caus' him to signat the samyn with the stamp and giwe to him j d' for euer pont quarter or chopin' for his labour

Wandy litstar The said' day the prouest and balyeis assignit this day xv dais to Duncane Wandy to bring Johne mar' befor thame tile ansuer' tile Androw litstar for Johne mar' for iiij pec' of woll jc lentrinwair and viij d' of Siluer becaus' he said' the saide Johne mar' fra Johne Cuk officiar' et cetera Ande gif he presentis nocht the saide Johne mair' the saide day that the said' Duncan sale ansuer' for him to the said' Androw in the premis'

Curia balliuorum burgi de abirdene tenta in pretorio eiusdem tercio die mensis Nouembris anno Dominj millesimo quingentesimo septimo