The said' day the prouest and balyeis assignit monunday that next cumis to Johne Cuk officiar' to bring Duncan Wandy befor thame tile ansuer' to Androw litstar as Souerte dravin and fundin to the said' Officiar' as he allegis be Johne mar' in tyrj for iiij pec' of woll jC lenterinwair' and viij d' of Siluere aving to the said' Androw be the said' Johne mair'
The said' day sere Johne ruthirfurd' knicht Johne Colisone and Dauid Ruthirfurd' burges of the said' burgh come caucionaris and Souerte tile gilbert menyeis prouest of the said' burghe and oblist thame be the fathtis of thar bodiis thar handis vphaldin in the Soueraste wis' coniunctlie and Seueralie Renunciand' the benefice of diuisioun' for ane last of Salmond' or the valour' of it quhilkis the said' gilbert prouest has eschetit tile our Souerane lordis hienes pertening to Duncan of fyf burges of the said' burghe gif the said' last of Salmond' beis decernit eschaet be our Souerane lordis hienes and his lordis of Counsale Ande gif it beis nocht fundin eschaet to pay the Custome of the said' ane last of Salmond' to the Custumaris of the said' burghe'
Curia balliuorum burgi de abirdene tenta in pretorio eiusdem xxij die mensis Octobris Anno quo supra
plegij legales Eodem die patricius leslie Junior deuenit plegius legalis quod Dauid fynne erit Indempnes pro Willelmo stile aliter quam per viam Juris Et Andreas meldrum deuenit plegius legalis quod dictus Willelmus erit Indempnis pro dicto Dauid aliter quam per viam Juris et dicte partes obligantur ad conseruandum plegios suos indempnes de de huiusmodi fideiussione et cetera
The said' day Duncane of fyf burges of the said' burghe oblist him be the fatht of his bodie his handis vphaldin his ayris executoris and assignez in the Souerast wis' and bande of obligacioun' to freithe releiwe and' keipe ser Johne ruthirfurde knicht Jonhne Colisone and Dauid Ruthirfurd' burges of the said' burghe thar ayris executoris and assignez skathles and fre of ane last of Salmond' and the vale of it and of ale summonce and chargis that happinnis to Cum apon' thame tharanent for the quhilkis thai ar' bundin coniunctlie and Seueralie for him to gilbert menyeis provest of the said' burghe In our Souerane lordis nayme gif it happinnis the said' last of Salmond' be fundin eschet tile our Souerane lordis hienes be the lordis of Counsale